نحيل الخصر معسول الشفايف .. !

السلام عليكم ورحمة الله وبركاته

علام الولف يا نايـف علامـه
بخيل ٍ في اتصالـه وابسلامـه

في تالي وقتنا أصبـح يجافـي
وأنا ما غير أفكر فـي كلامـه

عسى ما هو زعل مني بكلمـه
أو أنه مستمع هـرج الملامـه

أو أنه عاجبه غيـري أو أنـه
تغلى يـوم زوّدت اهتمامـه !!

نحيل الخصر معسول الشفايف
كحيل العيـن خـده كالغمامـه

طويل القـد متباهـي وزاهـي
يبيّن كـل وصـف ٍ بانسجامـه

غيابه من ثمان شهـور وأكثـر
وانوح اليا طرى نوح الحمامـه

ابيـك تـروح لـه بالله قـلـه
علام النور غيّبـه ظلامـه !!

علامه مبطي ٍ ما عـاد يسـأل
وانا ما غير مشغلنـي غرامـه

وابيك تقول له عن وصف حالي
عسـاه يحـن ويحـس بندامـه

هويته والهوى ماهـوب يرحـم
وجسمي ما قوت شيّله عظامـه

يذوق النوم وعيونـي سهيـره
عسـى ربـي يهنيـه بمنامـه

مقامه غالي ٍ ماهوب يرخـص
لو أنه قد نسى باقي احترامـه

ولكـن لا يخلينـي يـا نايـف
يضيع العمر عامه خلف عامـه

طلبتـك لا يوردنـي هلاكـي
حرام أنه حرمنـي الابتسامـه

متعب فهد

ياهلا ويامرحبا بالشعر وأهل الشعر
أبو فهد
للشعر هنا عنوان في أولى المصافحات
أروت الذائقة الشعريه
وبرهنت عن شاعرية كاتبها
رائع بما تعنيه الكلمه

نحيل الخصر معسول الشفايف = كحيل العيـن خـده كالغمامـه
طويل القـد متباهـي وزاهـي = يبيّن كـل وصـف ٍ بانسجامـه

الله الله على ورعة هالوصف
صح كلك وجعل السعد مايملك
ودامت هالشاعريه بكل خير وموده

محمد القسامي

الله يبقيك يالغالي

شرفني مرورك

ولا عدمتك يا اخي

صح لسااانك لين ترضى

مروري وتسجيل الاعجاب

صح لساانك ..

الله يعطيك العافيه..


دندونه<< من هنا،، مرت

.

صحتـ يمينك يآمآطر
إحسآسِك بين السطور مُختلف ..!

سلمتـ كفوف الجمآل ..!
تحيتي

صح لسانك اخوي متعب

جزززل