؛؛الـــودااع الأخيـــر؛؛

السلام عليكم ورحمة الله

أسعد الله مساءكم..وطابت أوقاتكم

يسعدني أن أضع هذه الأبيات الحزينه بين أيديكم متمنية أن لا أحزن قلوبكم الطاهره

وسائلة المولى أن يحفظكم من كل مكرووهـ

وإليكم ما أردت قولــــه....

ربـي رجيتـك تثبتـنـي وتجبـرعـزاي=وتعين نفسـي علـى حزن(ن)تخلْوَابهـا
حزن(ن)تواقد مشاهيبـه بْداخـل حشـاي=من جوره ادموع عينـي حتـت أهدابهـا
من العام والحزن يبرالي ويتبـع خطـاي=حتـى بلحظـات نـومـي ماتهنابـهـا
ياما ذرفت المدامع من خـلاي ب/خـلاي=وياما كتبت الحـروف وخافقـي جابهـا
واليوم بركان حزني ثار واظلـم سمـاي=واحزانـي اللـي تجـدّد حنّـت اركابهـا
قالوا لي أبوك مـات وقلـت يامشتكـاي=على اللي أمر البشـر بيـده وماصابهـا
وفي المغسله جيت أودّع يوم جاني عناي=وادموع عينـي علـى وجهـه تغشابهـا
صوتي تقطّع وهو ماعـاد يسمـع نـداي=ماعـاد يسمـع صـدى بنتـه ولامابهـا
أودّعه لو صْفوف الخلـق رايـح وجـاي=لحظة وداعـه علـي لازم وأنـا أولابهـا
تكفون يااهل النّعش خلوني أروي ضمـاي=خلـوا عْيونـي تـودّع مـن تعزوابهـا
أدعيـه يابـوي عـوّد لاتخيّـب رجـاي=والمـوت حـوّل علـى روحـه وقفابهـا
أودّعه بس ب/عيوني ولـو فـي هـواي=لامشي مع اجنازته واقعد علـى اترابهـا
لحظة وداعـه حسافـه مانفعنـي بُكـاي=لحظات ماظنّي أنسـى صفحـة اكتابهـا
مصيبتي في صميم القلب جابـت خفـاي=لولى ضلوعي كفخ قلبـي مـن اسبابهـا
ويلي من افراق أبوي وغيبته عن سمـاي=من هولهـا صوتـي المبحـوح غنابهـا
وصار القدر غصب عني مانشد عن رضاي=واقدار ربي إلـى مـن جـات نرضابهـا
ياسامع الصوت يامـولاي تقبـل دعـاي=وفي جنة الخلد تفتـح لـه مـن أبوابهـا
ويالله رجيتك تصبرنـي وتجبـر عـزاي=وتعين نفسـي علـى حزن(ن)تخلوابهـا

شاعرة نجد



صح لسانك


والله يبعد عنك الحزن .. والله يرحمه ويرحم أموات المسلمين


وربي مااقدر ازيد أي حرف لانها من أعماق القلب


يكفي ...

اول لما لك

عند الروقي من تقدير وحترام
في مشواري معك الطويل الذي
احمد ربي انني كنت الاخ فيه
اقول لك احسن الله عزاك
وجعل مثواه الجنه انه سميع مجيب


واما عن القصيده فكما اعلم انك من رموز الشعر في الخليج العربي
بل من الشاعرات الواتي لهم طابع وطريقه خاصه في فتل القوافي



فصح قلبك ولسانك وكلك
الى يوم يعلمون


وتريلاتي كلها بالمعلوم السابق لك

رحم الله فقيدكم

وأدخل فسيح جنانه

وأحسن الله عزائكم

وجبر مصابكم به

شاعرة نجد

مرثية أثارت الحزن وبثت مايجوش بصدر شاعرتها

فلله كم أحسسنا بمصابك وعضمته

صح كلك وجعل السعد مايملك

وأبدل الله الفقيد دارآ خيرآ من اللتي كان ينزلها

:
:


اللهم أرحمه وارحم موتانا
وموتى المسلمين جميعاً ..
رحم الله فقيدكم واسكنه الفردوس الأعلىآ ..
واحسن عزائكم ..!



صحتـ يمنيك غآليتي
شآعرة نجد ..
ابعد الله عنِك الحزن ..!

ودّي

الله يرحمه ويجعل مثواه الجنـة

ويرحم موتا المسلمين


صح لسانك ولاهنتي يالسنافية

بالرغم ان مضمونها حزين ولكن اجدتي التصوير

تحياتي واحتراماتي

شاعره نجد صح السانج مليوون
تقبلي مروري

شاعرة نجد


عظم الله اجرك واسكن الفقيد فسيح جناته



وصح لسانك



تحيتي