ياللي تبيعون الضماير ليش ماتشرونها ؟

شمس الحقيقه واضحه ماتنحجب ياابن الحلال=يومك على بعض الحقايق ناكرِ مضمونها
انته كذا طال الزمن ولا قصر والليل طال=تتبع هوى نفسك مثل ليله مع مجنونها
ان طعتني اركد ترى مال الحمول الا الجمال=وش لك بترديد السوالف ياولد ولحونها
أضحك طرب؟ ولا بلاش؟ اقول يانسل الرجال=والنِعم في شَايبك وإنته قاصرِِ من دونها
عليت نفسي وعتليت وجيت في روس الجبال=ياللي تبيعون الضماير ليش ماتشرونها
ان كان فيك الانفصام اكييد فيك الانفصال=وان شفت لي زول الصراحه قلها وش لونها
يا ذالسحاب اللي يمر الجو جوي عال عال=القاع عطشانه وتروا لاسقتها مزونها
يانظرة العاقل عليك الله ياطيب الخصال=انا اشهد اني معجبِ في شوفته وعيونها
اي والله اني باتغزل في كريميين السبال=في طيبها وافعالها وحصونها وركونها
وش حاجتي بأهل الحكي واللي تبع قيلِ وقال=عرضتها صلف الهبايب وان بغوا يلقونها

1

حجز


فاخر ولي عودة

أحييك على هذه الأبيات

وصح لسانك وكلك بلا عدد
..{بـــدر آل شافي }..


وافي وكافي وسجلني من ضمن المتابعين لك

أحسنت أخي العزيز/بدر آل شافي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

رائعه واكثر
سلمت يمينك يالرائع
وصح لسانك ولاهنت

سيــــف العمهـــوج - حجزك أوكي طآل عمرك وفإنتظآرك !

صح بـــدنج يالجآزي ويشرفني كونج إحدىآ المتآبعين !

ألف شكر يآحسيـن والله لآيهينـك !