لكن يمكن أخونك بس متى؟ لا قامت الساعه!

صلوا على النبي ...

ألا ياضيق صدري ضيق رجالن عليه الدين=يضيق ولاحدن عنده ولحدن عارف أوضاعه
هموم وسالفه من وين ماراحت بلاها ويـن=على قلب المولع تشتغـل عقـارب الساعـه
ترى من حدني عنك بليد وضايع ومسكيـن=لكن الوقت مايرحم وبعض النـاس خداعـه
أذا ودك تعذبنـي كفانـي بالزمـن ثنتيـن=تغيب وتبتعد عنـي وتتبـع نـاس طماعـه
أنا ماقلتلك خل العـرب ياصاحبـي بعديـن=ولاهي معجزه عندك تقوم وتتـرك القاعـه
هويتك وأحتميتك من دروب التهلكه والشين=ولا مره هقيت أنك تخلـي النفـس ملتاعـه
صحيح أن الزمن مهما حلا فعيونك الثنتيـن=ترى مثـل الزقـاره لـو تولعـه بولاعـه
هذا قول الصحيح وكلمة الرجال دايـم ديـن=على عز الوعد جيتك وأنا بالسمع والطاعـه
هذا نص الكلام وباقين عندي بعـد نصيـن=أبحفظها ولو قلبك حبيبـي غيـر أطباعـه
ألأ ياوقت درجها عسى ربي يجيـب الزيـن=تعبت وباقي الأيـام مـدري ويـن طلاعـه
هذا حقي عليك وحقنا وافـي مـع الوافيـن=لكن يمكن أخونك بس متى؟ لا قامت الساعه!

وسلامتكم ...

الهم اصلي على محمد وصح لسااااااااااانك لين ترضى مروري وكل التقدير لك ولهاشامخه

علي البريكي

حضور شعري رائع

وقافية جميله من شاعر متمكن

تمنيت بأنك تجنبت كلمة بس في عجز البيت الأخير

لأنها أثقلت الشطر وغيرته لحنآ

فكان الأولى نطقها بلا بس ليستقيم الشطر

صح كلك ياعلي وجعل السعد مايملك

ودام هالوجود بكل خير وموده

أحسنت أخي العزيز/علي البريكي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

وبالنسبة لملاحظة أخي/محمد القسامي فأقول

هي صحيحة في الحالتين ، إذا نطقتها ( لَكَنّ )

فلا بد من إضافة كلمة ( بس ) أما إذا نطقتها

( لَكِنْ ) بمد اللام فيجب حذف كلمة ( بس )

دمت بسلام وسعادة وحب وألق أيها الأخ العزيز

علي البريكي .!
نص رآئِع بـ حقْ
وصحت يمينك ودُمت بقرب آنفآس الشعر
شُكراً لك بربي آمتعتنآ بعذووبه .

اللهم صلي وسلم على رسول اللـه

صح لسانك مليون



ولاهنت

صح السانك وبدنك .....شاعرنا علي البريكي
طرق جميل وقصيدة رائعه اعجبتني كثيراً من حيث المعاني
والبناء وتدرج الموضوع والقافيه سعيد بمروري من هنا واتنمى لك دوام التوفيق
اجمل تحيه

علي البريكي
عودة للعذر على الرد السابق
والذي كان على عجاله وسوء تقدير
وشكر للأخ حسين السبيعي على التوضيح
صح نبضك ياعلي وكلك