نص(ن) ليآمنه عرض كل(ن) وقف يتسمعه ( إرتجآليه ) !

السلآم عليكم ورحمة الله وبركآته ..

إخوآني وخوآتي روآد منتدآنآ الغآلي ..

تشجيعكم ودعمكم لي دآئمآ يعطيني الدآفع لتقـديم المزيد والمزيد ..

إسمحولي أطرح بين أيآديكم هذه المتوآضعه ..

وهي مشآركه في أجمل قصيده إرتجآليه .. وحصلت علىآ المركز الأول ..

ورآيكم للأمآنه يهمني وأتمنىآ إنهآ تنآل علىآ إعجآبكم .. صلو علىآ النبـي !!

:

:

دام الشعر فن وعطا وإحساس رجلِ (مرتجل)=نصٍ ليامنه عرض.. كل(ن) وقف يتسمّعه
أكتب على جو المدح وأكتب على جو الغزل=والقاف قافي لا وصل جات القوافي تتبعه
وأنا هنا شاعر طغى حدّه على كوكب (زحَل)=وإبداع شعري بالعطا صعبٍ عليّه أجمَعه
واللي خذا قلبي غصب ماعاد له أيّه محل=ألاّ بوصفٍ بذكره .. محدٍ قدربي يمنعه
بنتٍ على طاري أبوها لا طرى .. (هذا فحَل)=كل(ن) يهابه لا حضر والصيت صيته نسمعه
وإن جيت بآصف حسنها ضاع الفكر كلّه .. خجل=شيٍ صعب وصفه ولكن ياعساني أصنعه
وأعوذ بك ربي من أفكار الدنايا والدجل=وأستغفر الله .. خالق الأكوان والدنيا معه
حورية(ن)من حور عينٍ في تقارير الرسل=وأزكي من أوراق الشهد لا جا نسيم يذعذعه
والعين عينٍ لو حلفنا .. ما وجد فيها كحل=دعجٍ من الخالق ووسعن ما بعد وسعه .. سعه
ومعزلٍ منهو نظر في طارفه راضي .. زعل=لنّه صعب وصفه وقافي أرسل المعنى ( دعه )
يعني على قول المثل .. فقط على قول المثل=لو ما يطيعك هالزمن في وصفها طعني طعه
إنسٍ ولكن خلقها .. مخلوقة(ن) على مهل=ربي عطاها زينها والزين فيها وزّعه
مآلوم منهو شافها يصبح ولكن .. لا عقل=مجنون في نورٍ وربي في وجها شعشعه
أكبر دليل إني أنا من وصفها جاني خلل=وأكبر دليل إن القوافي كلها قالت ( دعه )

:
:

بـدر آل شـافي !!

سلمت كفوف الجمآل أخي الشآعر بدر آل شآفي ..

لا فضّ فٌوك / إحسآس عآنق القمه ..!
طبت وطاب حرفك ..

تستاهل المركز الأول

صح لسانك وعلا شأنك يالغلا

وأنا أقول خلك معه ولا تدعه !!

أحسنت أخي العزيز/بدر آل شافي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

بدر ال شافي

صح لسانك عدد بلا مدد

قصيده رائعه تستحق الشكر والثناء

دمت اخوي بهذا التميز في قصائدك

في انتظار المزيد من روائعك

تحيااااتي لك

سلمت ودمت يابدر

جزله ولا فيها كلااااااااااااام تقبل مروري وتقديري

بدر أل شافي

يتعدد الشعر ويتوحد في روعة المفرده

وانت هنا أبدعت وأرويت الذائقه بهذا الجمال

يعني أتبعه أتبعه

فاللقلب ماعشق وللعين مايأسرها

صح كلك يابدر وجعل السعد مايملك

ودام هالوجود الزخم الشعري بكل خير وموده

الشاعر ...بدر ال شافي
صح السانك وبدنك ممتع دوماً
اجدت العزف بطريقة توحي بشاعرية فذه
دمت ودام احساسك الراقي
اجمل تحيه