احذر ... ! امامك بنت مزيونه

السلام عليكم ..اسعد الله صباحكم وجميع اوقاتكم




اعتذر بعد غيابي عن شرف التواجد بينكم



وارجو ان يكون لي بهذي هنا حضور



.

.

على كومة تجارب متكي في عزلتي كني=على فعل الزمن شاهد عجزت اجاري ضعونه
وفي شكله ولونه يوم شكلني ولوني=عطاني وجه مشؤم وعطيته نفس مفتونه
وأخذت أصعب دروسه من شقاي . وطحت لكني:=سبقت الشامت بوقفه تكذب شوفة عيونه
تجاهلت الجروح اللي على التهميش لامني=وعلى لحن الفرح غنيت حزني لا تحسونه
أنا ما ابكي على ما راح لي فالوقت رغم إني=فقدت برحلتي حلم الوجود وعشت من دونه
وعسا شهب الغصون اللي من أول خضر يفدني=وجودي ما تكرم في ثرى للجذر وغصونه
وإذا يا وقت ما حققت حلمي أيامي .. ادفني=في برزخ ياس وادفن ما بقا من عمري وصونه
عن آمالي ابا اغضي في تفاءل . وانشغل عني=اخاف اصحي مواجع في زوايا الصدر مركونه
وتغازلك أمنياتي وانت يا اخر حلم مستني=لكن ارحل عن المحروم منك وحل عن كونه
مضت وسمية احلامي ولا ابغا اعيش متمني=يكفي ما مضا والحال .. كيف الحال .؟ وش لونه.؟
خسرت وما ربحت إلا القليل اللي بقا مني=في تربة أرض وهميه .. زرعت أفكار مجنونه
تحديت الزمان اللي لياليه أخلفت ظني=وحيرت أكثر الناس بمدى صمتي ومضمونه
وأنا أقرى في ورق ذكراي قصة حزني اغني=وهم يوم إسألوني كيف ..؟ قلت اللي تشوفونه
ولو قالو ما هو منّك ..أقول ألف لكم فني= من وجوه التناقض سالفه وأبيات موزونه
ابا اخفي كل طعنة فوقها النظرات تطعني=وأشتت كل فكره تستدر الصدق وتخونه
أضحكهم وأنا صادق بضحكة سني وسني=وابكيهم على معنا ما يدروا ليش .. يبكونه
وأنا أول كنت أصون الشعر احسبه كان صايني=لكن الحين أبا أسرف فأجمل حروفه وبلحونه
أصونه ليش ..؟ يا عالم وهو من وقت خاينّي=تذاكر رحلتي عنده على ( تكفون ) مرهونه
وعلى خبره من ظروف الحياه اللي توالنّي=اعرف إن المآمن بعضها ما هي بمأمونه
قناعاتي غريبه كانت .. وغيرتها لاني=فم اللهفه نويت أقفّله واقلّع سنونه
ولا املا دلة إعجابي لا فاحت غير من بني=ولا اسمع ما يقولونه على ذمة يقولونه
ولا عاد التفت في كل متحلي ومتحني=ولا اسأل هذا وش نوعه وهذا وش يسمونه
وعلى غير الوفاء ..الحب العنه من قلب وألعني=لو ارجع له وفي صدري مازالت باقي طعونه
واذا كان الحلا دايم هو اكثر شي يفتني=ابا أغضي قد ما اقدر عن سنا البراق ومزونه
على دربي وإذا شفت الخطر ناوي ومتجني=أقول لناظري احذر أمامك بنت مزيونه
أبي أهدا وأبي قلبي يريحني ويسكني=وأبي اجمع بقايا أشلائي .. من اوهام ملعونه

تحياتي

اقتباس:

أصونه ليش ..؟ يا عالم وهو مـن وقـت خاينّـي
تذاكر رحلتي عنـده علـى ( تكفـون ) مرهونـه

صح لسانك
وعلا شانك

ولاهنت أخوي

من حضر ماغاب

وصح لسااانك لين تقول كفاية

تقبل مني كل التقدير والاحترام

ولا يطول الانتظار خلنا نستمتع ولو بالقليل من جزالتك

هلا ملايين ملايين بل بلايين

هلا بالشاعريه النفرده

هلا بالقاموس

هنا مرور للإطلاع وعودة للإستمتاع

حتى وجود رد يليق

محمد البلوي

صح لسانك عدد بلا مدد

قصيده في منتهى الجمال يعطيك العافيه

في انتظار المزيد من قصائدك المميزه

وياهلا بحضورك عساه دوووم

تحياااتي لك

الله عليكْ يآمحمد البلوي ..
قصيده قرأءتهآ مرآراً وتكرآراً
ولم تمحو عذوبتهآ دآخل آعمآقي ابد ..!
صحت يمينك يآقديرْ ..

تحيتي

محمد البلوي


صح لسااانك


قصيده تحلق في سماء الابداع

أحسنت أخي العزيز/محمد البلوي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز