ســــلام يــاذخـــر الــرجـــال الـنــعـــاتــيـــت

بسم الله الرحمن الرحيم
هذه القصيدة المتواضعة في والدي الشيخ : مــــفـــــرح بـــــن نـــــاجـــي بـــــن مــــرزوق الــمــغـــيـــــري الــعــــتــيــبــــي ( فارس الكرم ) حــــفـــــظـــه الله واطال في عمره وهي تعبر عن مايكنه ضميري له وهي لها مناسبة ومهما قلت
انا أو غيري لانوفي حق الوالدين فحق الوالدين عظيم جداً جداً ،،

سلام ياذخر الرجال النعاتيت = سلام يا مفرح كريم السبالي
سلام يااللي للوفاء والكرم بيت = سلامٍ يخصك ياقرم العيالي
يالنادراللي بالعرب ذايع الصيت = كساب قولت نعم لاجا مجالي
يشهد علي الله ماعنك سجيت =دايم خيالك مايفارق خيالي
غالي وإذا طولت عن شوفك اشفيت= وبان الخلل في مشيتي واعتدالي
في خدمتك لي الشرف ماتوانيت = تامر وانا انفذمافيها جدالي
قبل تكلم جيت كلي ولبيت = اجيك كلي زولي يسبق ظلالي
رضاك عند بعد رضا حامي البيت = رب الفلق منشي صدوق الخيالي
في بر ابن ناجي حشا ماتواطيت = بس الزمان العنجهي مايبالي
ياما وياما عالي الرجم عديت = عشقي وهندابي دروب المعالي
ذروة سنام المجد فوقه تعليت = وشربت فجال التحدي لحالي
كيف الصعايب من دلاله تقهويت = شربت فنجال العلوم الثقالي
ابيوت شعري وصفها كالدناميت =في داخلي جايلهن اجتوالي
من عذب شعري نادر القاف غنيت = رفعت صوتي بالبيوت الجزالي
البيت يسعى ياأبو مشعل ورى البيت = كلٍ يقول الغالي يطرب لغالي
سمان المعاني صلت فيها ونقيت = آسم طرايفها المهار الغفالي
عسفتها نقيتها زين ووفيت = انقا العيون وراهياتن احبالي
في نظمها كل الصعايب تحديت =ارقا سنود اصوغها فالعلالي
واختامها موفيك ياشايع الصيت = انا وشعري فدوتك والحلالي
وياسامع الإمثال هل انت صليت = على شفيع الخلق منهي الظلالي

الشاعر الإبن البار/ جــازي بــن مــفــرح بــن نـاجــي (حــــــاوي الــطـيــب)

حاوي الطيب

صح لسانك وإعتلا شانك

وافيه ورائعه ويستحقها الوالد طول الله بعمره لك

ولكن نتمنى التغيير والمشاركه بالإسم الصريح

تحيتي وتقديري

حآوي الطيب ..
صح منطوقك أخي الفآضِل ..
رآئِعه بـ آعلى مرآتب الجمآل ..
تحيتي

يعطيك العافية أخوي جازي

والوالد يستحق أكثر وأكثر بلا شك

ونعم بك وبوالدك الله يطول عمره على الطاعة

مرحبا ياجازي

مرحبا يالعطاوي كفو والله مافيكم قصور والكل يشهد

وصح لسااانك ويستاهل وله عليك حق ونت اوفيت وكفيت

تقبل تقديري

حاوي الطيب
صح لسانك واعتلا قدرك وشانك
كلمات القصيده جدا رائعه بعطيك العافيه
حفظ الله لك الوالد وامد الله في عمره
ويرزقه الصحه والعافيه
في انتظار جديدك المميز احترامي وتقديري

صح لسانك

جزله من راس وافي وجزل وربي يحفظ لك والدك



مرهف الاحساس

حاوي الطيب


صح لسانك .. ولاهنت

نص راقي .. عذب المعاني .

سلمت مشاعرك

دمت بـ إبداع والله يطول بعمر الوالد


تحيتي لك .


اختك الجوهره