جروح .. وجروح

أيها الرواسيون والرواسيات

صباحكم/مساؤكم خير ، وشعر ، وعطر ، وحب
يسرني أيها الأحبة أن أصافح أعينكم وقلوبكم بهذه المتواضعة ، راجيا أن ترتـقي إلى مستوى ذوائـقكم الأدبية الراقية ، وأن تنال بعض الرضا والإستحسان.


جروح .. وجروح

بعض الجروح تهون من هون أهلها=مير البلاء لى صارت جروح غالين
يا من سكن بأقصى الخفوق ونزلها=وش بك غرزت بداخل القلب سكين
عيني على شوفك من البعد ولهى=وأثرك على ما قيل تلعب بحبلين
حدايقي جاها الجفاف وقتلها=من بعد ما كانت ورود ورياحين
من بعد ما كانت للأحباب ملهى=صارت صحاري شوفها يعمي العين
ماتت عطش ، منك المطر ما وصلها=يا اللي قطعت الوصل بين المحبين
لكن على كيفك ، تصرف وشلها=الكلمة اللي وضحت بين قوسين
والكلمة اللي تِخجِل اليوم قلها=ما عاد به شيٍ تخليه بعدين
قلها ، ترى لى قلتها بأحتملها=وأصبر على ما صار من شين أو زين
ما به غريق يخاف لحظة بللها=أنا قطعت الياس من طرد مقفين
لا تحسب إن الناس يا صاح بلها=ترى الحياة أخذ وعطاء والوفاء دين
وترى الجزاء من جنس طيب عملها=كلٍ حصد ما كان يزرع من سنين
وإحذر من أيامك يدوسك عجلها=في ساعةٍ ما تنفعك قولت آهين

حسين السبيعي

ياسلام ياسلام

يقولون للشعر ميعاد

وللعذب إيجاد

وأنت جمعت ميعاد الشعر وعذبه

مبدع ياحسين والشاهد الله

صح كلك وجعل السعد مايملك

ودام هالوجود بكل خير وموده

صح لسانك ورفع الله شانك جزله ومن العيار الثقيل تقبل مروري وتقديري وعذرا على عدم توضيح الخط لعدم حل المشكله الى الان

>> حسن السبيعي <<

صح لسانك وبيض الله وجهك على هالرائعه يالغالي

..,, تحياتي ,,................ .

حسين السبيعي
صح لسانك ولاهنت
قصيده جدا رائعه يعطيك العاافيه
لاتحرمناا من جديدك المميز
تحياااااااتي

إقتباس:
أرسل أصلا بواسطة محمد القسامي

ياسلام ياسلام

يقولون للشعر ميعاد

وللعذب إيجاد

وأنت جمعت ميعاد الشعر وعذبه

مبدع ياحسين والشاهد الله

صح كلك وجعل السعد مايملك

ودام هالوجود بكل خير وموده

شكرا لك أخي العزيز/محمد القسامي على هذا الإطراء

شكرا لك سيدي الكريم على كل حرف سطرته أناملك

يسعدني أن يجد حرفي صدى لدى ذائـقتك الأدبية الراقية

دمت بسلام وسعادة وحب وألق أيها الأخ والزميل العزيز

اخي الشاعر ....حسين السبيعي
يعطيك العافيه قصيدة رغم ما فيها من العتب الا انها تدخل القلب
احساس نابع بصدق وشاعريه متناهيه ارتويت شعراً هذا الصباح
صح السانك وبدنك وعساك على القوه لك كل الاعجاب والمتابعه
دمت بخير

الاخ الفاضل الشاعر /حسين السبيعي
لا تزال محلقا في سماء الابداع وبين غيوم الروعه
لاخلا و لا عدم و صح الله لسانك مليون ولايكفوون
سجل اعجابيالقديم
وتفضل بقبول تحياتي...