بْـروق

*


حلمي غـرز في خـاصـرة ليلي اْبـروق
و اقلـق هجــاد الليــل وضَّــاح بـرقـــه

ألجى السَّهَــر و الهَـت مباريقـه الموق
و ادعى يـرتِّــل بـ المـراعيـــد طَـرقـــه

لا هو طـرَح من غيمهــا حالي اعـذوق
و لا عطى للمــوت بـ السيـــل غـرقـــه

هو هـآضنـي ثم وَقَّـف الــدَّم بـ عـروق
و اخـذ يـذكّـرنـي بمـا فــات ســرقـــــه * 1

بـــدأ بـــذاك اللـي علـى الجيَّــه يتــوق
ولا تَـــلاحَـــق مـن مـنِـيَّـتْـــــه زرقـــه * 2

و اخذ يقَـلِّـب صفحــة انسـان معشـوق
مـن فرحــة المولـــد إلى نــوح ورقــه

أقـول لـه يـا بـرقــي , الليلــه تْـشُــوق
و يقول : بعض البــرق يتــلآه حرقـــه

ياما بَـرَقْـت و شــاقنـي مرتــع النُّــوق
ما فـآضت غيــومي بـ غربـه و شرقـه

ما وقفـت الدنيــا على حــرف مطـروق * 3
دوِّر غــديــر زْلآل و ابـــــدأ بـ فَـرقـــه

و ليا افتـرَق و انهَلْـت من عذبه تْـذوق
مِـدَّه على الظميــان , صُـونـه بـ دَرقــه

ما كل مـا يشعـــر بـه الـمــرء منطـوق
ما كل دم يجــوز سـفـكـــه و هــرقــــه

و ليــا خَذَتْـك افـكــار مجنــون مطلـوق
هـاك الهمـاج المــر , و تـذوق فـرقـــه

يـ الآدمـي في جحــدك النّعـمــه فْسـوق
تـجـي بـ يــوم الجَـمْــع طَـلَّآب فَـرقــــه

فـكِّــر بـ سـآري جـاب لك عِلـم موثـوق
عـلــمٍ يـلِـــمّ اللـيــــل في لــوح بـرقـــه

و اَجهَـت سمـايـــه ليتهـــا ردَّت بْـروق
و آفـسِّــر اللي حـطّ في الحلـق شَـرقــه


*


* سرقه / هي اللحظه
بمعنى انه أخذ يعرض شريط الحياة في لحظه

* زرقه / زياره سريعه
بمعنى ان الموت سبق زيارته و اغتاله في الطريق

* بمعنى لا تُقلِّـد غيرك و فرِّق بين الغث و السمين

ناصر الهواوي ,خيال مطير ,رحيل معجبون بهذا

صح لسانك شاعرنا مدد
ودام هالابداع

عبدالله الصقري ,خيال مطير معجبون بهذا

صح لسانك

يالصقري ..

أبيات جزله من جزل

لاهنت ...

عبدالله الصقري معجب بهذا

صح الله لسانك ولا فض فوك
رائعه جدا لاهنت وبيض الله وجهك

عبدالله الصقري ,خيال مطير معجبون بهذا

صح لسانك شاعرنا
ولاهنت على هـ الجزله والابدااع

تقديري,’’

عبدالله الصقري معجب بهذا

صح لسانك شاعرنا
ولاهنت على هـ الجزله والابدااع

تقديري,’’

عبدالله الصقري معجب بهذا