نبـــــــــــــع الولـــــــــــــــــه

السلام عليكم اعضاء وزوار منتدى رواسي نجد الشامخ بأعضائه وزواره ارجوا ان ترتقي لذائقتكم

جيتك غرامٍ به الاشواق منتشره=واستبشرت من قدومك شيبة اشواقي
ومن السعاده خفوقي غص بالعبره= ولعيونك اقبل يزف الود براقي
حتى القلم مستثير ومنتخي حبره= وناوي قصيده تعيد الروح لاوراقي
وتجبر مشاعر من الهجران منكسره= وتنعش تلاقي يخيب هقوة الهاقي
كنت احسبنك وله واشواق منتثره=وكنت احسبني بلملمها بخفاقي
وكنت احسبن الغلا بك فايضٍ نهره= ظنيت نبع الوله بالجوف دفاقي
واثر الغلا في خفوقك منكسر ظهره=عطبت نصه وناوي له على الباقي
ودم الوفا في ضميرك معلنٍ هدره=واثرك فـــ بحر القطاعه ناوي اغراقي
وكسرت خاطر حبيبٍ منكسر صبره=حبيب كان لجفاف ايامك الساقي
سقت العنا وجيتني بالجيه الغبره=جبت التجافي مع الخذلان منساقي
مالان باسي ولو خانتني الدبره=وان كل متني يفز بعزتي ساقي
وحلفت لاقتل غرامك واورده قبره= دامك نسفت العهد والغيت ميثاقي
ومن القهر قلت ابشعل داخلي جمره= تحرق غرامٍ تغلغل داخل اعماقي
ويا للاسف ماهقيت وخابت الفكره=منها انحرقت وغرامك للاسف باقي

وصوم الثلاثه عليها النفس منجبره=دامي حلفت ورهنت ابحلفي افراقي

بدر ناصر المورقي

صــــــــــــــــح لساااااااااانك ابوناصر على هذه الرائعه


الله يعطيك العافيه

تقبل تحياتي

قصيدة جميلة وكلمات عذبة
سلمت يمناكـ وصح لسانك
تقبل مروري
عـــ المشاعرــذبة

صح لسانك يالبناخي

وياكثر العتب عليك

بس عاد من حضر ماغاب

ونت تعرف اني من المتذوقين لشعرك ونزف حرفك الرايع

تقديري لك

بدر ناصر المورقي
صح لسانك ولا هنت يالذيب
وبيض الله وجهك على هالجزله
تقبل تحياتي
ودمت بكل خير وموده

لاهنت على الابيات الرائعه والجميله

ودائماً في قمة الابدااع والتميز

وتقبل مروري

بدر ناصر المورقي
صح لسانك وبيض الله وجهك
شرفتنا طال عمرك

قصيده في قمت الجمال

تقبل تحياتي لك
خيك
خالد ابن هجيره

مالان باسي ولـو خانتنـي الدبـره = وان كل متني يفـز بعزتـي ساقـي
وحلفت لاقتل غرامك واورده قبـره = دامك نسفت العهد والغيـت ميثاقـي

ياسلام ياسلام

بدر ناصر المروقي

قدره شاعريه رائعه

وبوح راقي كالعاده في جميع إطروحات بدر

صح كلك وجعل السعد مايملك

ودام هالوجود بكل خير وموده