آخر 10 مشاركات
|
|
|||||||
| تاج القصيد .. خاص بنزف شعراء رواسي نجد. بالأسم الصريح .. |
 |
| انشر الموضوع |
|
|
أدوات الموضوع | انواع عرض الموضوع |
28-12-2018, 06:24 PM
|
#1 | |
أبعد قريب
|
فيـه آتـفـكـّـر
من الارشيف هذا سلامي للمحبين ابـ القيه قافن ورثه المهتوي من جدوده للي غدا و احتار مثلي ابـ اهديه أمّا السعيد حظوظ وقته جنوده ما كنت اعرف الحب ماكنت اناديه و لا استقـرَّت في ضميـري وفـوده امشي و لي دربن مجافيه واشيه ظلّه براد و مايساتن وروده ترسمني الفرحه قصيدن أغنّيه بلحون بشراها مقابيل نوده أهامس اوزانه و تضحك قوافيه و مرتِّبات سنين عمري بنوده وانام ما بالقلب شي ٍ يعنّيه و لابه اللي يامره او يقوده واليوم صار اطلال في شوف ناعيه ومن الهوى ياناس همه يروده هدَّه حبيبن لو يفارقني اغليه فيـه آتـفـكـّـر و المشاعـر ودوده اللي عيونه جاهل الحب تدعيه هي مولد العاشق وفيها لحوده ابو جديلن كالغداري مساريه يكسي لريَّان الرعابيب عوده كيف القدر ساقه و عجَّل خطاويه يمِّي و صحّى خافقي من رقوده قال اشتراك الحب مني و باشريه منَّك و خذ عربون و ابرم عقوده ترفن رقيق الحس .. أغراني بـ فيه عَيَّشني بـ جو ٍ غرامه يسوده قلت الفؤاد ارتج وشلون اهدِّيه قال انتظر والحب تلقى شهوده اقبل علي و ضمّني بين اياديه لاوالله اغواني بـ ضمَّة نهوده فمَّه يساقيني من الخمر واسقيه شوقن لواهيبه تذوِّب جموده محلا الكرز محلاه عنَّاب أجنيه من روضة اوجانه و جيده وخدوده لاشك يسحر من يشوفه و يغويه و انا شبكني في حبايل كيوده لكن بحره ما عرفنا موانيه ليلن به الغرقان تاهت حدوده ياللي ملكت القلب ردّه لراعيه وشعاد باقي لي بليا وجوده قلبن ملكته لا تتلَّه و تشقيه و فكرن مريحن لا تهيِّض ركوده لولاي اسلِّي خاطري كان يمديه مْن الصبر ما حَبّ حتى قيوده دنيا لها ميعاد للضيم بوجيه من مدَّها بالطيب يلقى جحوده يهناك طرد اللال في واسع التيه يا خافقن ضيَّع دوازين عوده وياعين عزِّي دمعك ولاتهلِّيه لو الفراق يزيد همَّال جوده لا ترسلين الوجد يآما رسلتيه لا هو رجع لي لا ولا ارسل ردوده اقفى وخلاَّني بروحي مخفِّيه مابي تشوفه كل عين ٍ حسوده اللي سكن فيني وانا ساكنن فيه ولَّعني بحبَّه و طوَّل صدوده اول ليا من ضاق صدري يسليه واليوم خالفني و خالف عهوده كم قلت له لا تتعب القلب يكفيه ياما و ياما مير ضاعت جهوده منآي بس اوصل مكانه واناجيه قبل الجسد بالرمس ياكلْه دوده و آعرِّفه جرح الغرام و معانيه يمكن يراجع نظرته في وعـوده ما كان اهوجس به ولا آقول هاويه و ما اعماني من الغيم شوفـة رعوده |
|
|
|
28-12-2018, 10:06 PM
|
#3 | |
  
|
أبدعت شاعرنا
صح لسانك ولا هنت |
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!
|
|
28-12-2018, 10:30 PM
|
#4 | |
  حزب الرعد
|
الشاعر عبد الله الصقري
قصيده جزله وأبيآت رآئعه احترت بالاقتباس كلها جميله صح لسآنك مليوون ولا يكفوون ويعطيك العآآفيه على هالرآئعه |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
التعديل الأخير تم بواسطة الجووهره ; 28-12-2018 الساعة 10:33 PM
|
[/URL]
|
«
الموضوع السابق
|
الموضوع التالي
»
العرض العادي
|
|
