( آخر قصيده ترسل لسيد الاحباب )

((((((( آخر قصيده )))))))

آخر قصيده ترسل لسيد الاحباب = كلمات حب ٍ صادق ٍ محتواها
طاريك هز القلب والشوق جذاب = وارحم محب ٍ لهفته ماقواها
حسيت بانك غير عن كل الاصحاب = وحسيت نفسك عالي ٍ مستواها
أول قصيده قلت الاعجاب غلاب = شدتني وصوفك وزاهي حلاها
وكتبت قاف ٍ ماحسبنا له حساب = وعلقت نفسي من خلاها بخلاها
وحاولت من نفسي تفادي ذا الاسباب = وابعدت لكنه جذبني هواها
واليوم انا لمبادل الحب طلاب = وكل العواطف تتبعك من عناها
صوت المشاعر والعواطف معك ذاب = همســـات حب ٍ وافهم اللي وراها
ماقلت شعري لاجل تقراه باعجاب = وتمدح اسلوب الشاعر اللي بداها
ودي !! تشاركني ولو ربع الاتعاب = وتأمل الدمعه ليا سال ماها
أنا غريق الدمع واتعبت الاهداب = من ينقذ عيوني وينهي بكاها ؟
صرخت باعلى الصوت يابنت الاجناب = غريب واللوعه تعدت مداها
وحارت بي الخطوه على كل الابواب = سكه حزينه واسأل اللي مشاها
أغراب كيف الوقت يصفي للاغراب = واعرف ترى روحي معك منتهاها
أهديتلك قلب ٍ صدوق ٍ ومنصاب = واقبل بيوتي يوم نورك زهاها

اخوكم / عارف العتيبي

الله الله

ياعارف صح والله لسانك

على هالمتغطرسه ياولد لا تغيب دام عندك مثل هالجوهره



تقبل مروري وتقديري يالطيب

الله الله شاعر لاريب
صح لسانك وعلى شانك

تقبل مروري المتواضع واعجابي الجم

اخوكم / كاسب الروقي

...والله الحب من طرف واحد مشكلة!!!!

...والمحب المتيَّم..حالته مستعصيه في جميع الأحوال!!!

...ألم يقل ذاك الشاعر...فيبكي إن نأوا شوقاً إليهم ......ويبكي إن دنوا خوف الفراقي...!!!...

وأخوتنا المصريين لم يجانبوا الحقيقة حينما قالوا:يئطع الحب وسنينوه!!!!!!!!!!!........

..أخي عارف ...جبر الله قلبك ...وسخر لك محبوبتك حتى وإن كانت من رموز الخيال...!.

..امتناني العظيم لك على جميلتك هذه....

صح لسانك اخوي

والله يعطيك الف الف عافيه


على الإبدااع


تقديري لك اخوك


النداوي

عارف العتيبي
صح لسانك يالقرم ولا هنت
وبيض الله وجهك على هذه الرائعه
قصيده واحساس جزل من شاعر جزل
تقبل تحياتي ومروري
ودمت بكل ود

لاهنت على الابيات الرائعه والجميله

ودائماً في قمة الابدااع والتميز

وتقبل مروري

عارف العتيبي

حالة شعريه متميزه

وشموخ شعري لايوصف

في كم المفردات الرائعه والإحساس الأروع

صح كلك وجعل السعد مايملك

ودام هالشموخ وراعيه بكل خير وموده