مهندس افكاري

اقدم لكم هذه القصيده بقلمي

مهندس افكاري ورامز معانيه = ورسم الخيال بضيقته واتساعه
في هيكلة ارض العتب والمشاريه= حيث النفاق يصير فن وبراعه
والقوس مايعطى بزماني لباريه = والكذب باسلوب الحداثه صناعه
وكل مستقيم ومستقيم يوازيه = مايلتقون بنقطة ياجماعه
الدايره في محور ترتكز فيه = في قطرها مدفون كنز القناعه
بمثلث ضاقت زوايا مبانيه = ياقع بجنبه مستطيل المجاعه
المستقيم الفقر ذله يباريه = حتى ولو انه طويل ذراعه
وبالدايره كلن يحشي مخابيه = كلن لقى له معه خويه طماعه
واللي يلف يدورفي عالم التيه = يلقى شبيهه بالنمك واللكاعه
ياخذ من جيوب المصالح ويعطيه = بجني ثمار ولاتكلف زراعه
واللي علي قول الصراحه مباديه = نطاق حلمه في مساحه مشاعه
بمربع الاوهام ضاعت مواريه = ضاعت وضيعنا حقوق الطباعه
ومتوازي الاضلاع ماني بناسيه = توازنه ضد العواصف مناعه
شبيه شعري في تسامي معاليه = ماهد فرجار الرقيب ارتفاعه
ولوحضرة الواقع تنكر لماضيه = وعنا رحل دور الكرم والشجاعه
مخطط احلامي بعيد هقاويه =يفرض على ظرف الزمان انطباعه

صــــــــــــــح لسااااااااانك عبد الرحمن

الله يعطيك العافيه

تقبل مروري

تحياتي

الشاعر عبدالرحمن صقر
صح لسانك وبيض الله وجهك
قصيده شامخه ووافيه من شاعر وافي
تقبل تحياتي ومروري
ودمت بكل خير ومنه

عبدالرحمن صقر
صح لسانك وعلا شانك
قصيده رائعه وظفت فيها المفاهيم العلميه
بطريقه جماليه خدمت القصيده والمعنى
لاعدمنا جديدك المميز احترامي وتقديري
تقبل مروري المتواضع

صح لسانك اخوي عبدالرحمن
جميله القصيده
يعطيك العافيه

الله الله يابو صقر


صح لساااااااانك


أبدعت

الاخ الغالى ابو صقر

صح لسانك وبيض الله وجهك
تحياتي لك خيك
خالد ابن هجيره

أحسنت أخي العزيز/عبدالرحمن صقر أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز