آخر 10 مشاركات
|
|
|||||||
| تاج القصيد .. خاص بنزف شعراء رواسي نجد. بالأسم الصريح .. |
 |
| انشر الموضوع |
|
|
أدوات الموضوع | انواع عرض الموضوع |
01-10-2018, 10:36 AM
|
#1 | |
 
|
قالوا مزاين
هي وجهة نظر لا امليها على أحد والله يبارك للكل في حلاله بس انا
لي مأخذ على التبذير في الولائم وبعض التصرفات ولا الابل تراثنا وتراث اجدادنا وتربيتها شرف... لذا قلت من باب النصيحة قالوا مزاين قلت أنا خير ياطير=كلٍ على ذوده مسوي فتوه لافاز ذوده قال يالله عسى خير=من الفرح يرقص على جال ضوه من حوله جموعٍ غدى شكلها غير=ناسٍ تشيل الصوت ويزين جوه كله شموخ وصفقت له جماهير=كله سعاده من مصافح سموه ولا العزايم وشتبي تشوف تبذير=يذبح ويصلخ وسط ربعه ينوه والصبح بين الذود يصهل كما الزير=متنومسٍ في وسط ذوده يدوه ياحيف يانسل الرجال المناعير= ياحيف يانجمٍ طمن من علوه من عقب ماجدك يقود الطوابير=صرت الهبيل اللي ينومس عدوه كب المزاود وبذل الخير للغير =وخلك على الأيتام هملول نوه وكسب رضا الرحمَن ماغيره مجير=واللي بيرضي خالقك خير سوه وعمل خفا ورج الولي دون تبرير=كلٍ بما يعمل يلاقيه توه واعرف ترى فعل الزمن والمقابر=خلت قليل العرف كله جروه خلت قليل العرف وعوير وصوير=ستغفرالله يدعون النبوه ناسٍ تعرف الطيب وتجنب السير=وناسٍ باربي ماتعرف الاخوه ما يندرى وش تالي الوقت بيصير=وقتٍ على الله ما تشوف المروه كلٍ على فاله والأشعار تنوير=واللي نواه الطيب يارب قوه وختامها ربي عليك التدابير=وإنك تعافي المبتلا والمفوه اخوكم هزاع العاصمي التنسيق لو سمحتم ادارتنا الحبيبة |
|
لاصرت في صحتك والحال مستور = يغنيك عن بعض الرفاقه رفاقه منتب على طرد المقفين مجبور = أما الوصل وإلا بلاش العلاقه - ديواني الإلكتروني 
|
|
01-10-2018, 10:57 AM
|
#2 | |
|
||
للأسف هذا هو واقعنا وديدن الغالبية الا من رحم ربي الاسراف والتبذير دون رقيب وحسيب صح لسانك شاعرنا مدد بلا عدد على هذه الرائعة الهادفة الجزلة احترامي وتقديري تقييمي + الختم |
|
|
|
|
01-10-2018, 12:29 PM
|
#4 | |
|
الله الله
هزاع العاصمي صح لسانك لين ترضى مبدع وجزل شاعرنا ولافظ فوك سجل اعجابي وتقديري ولك اجمل تحيه تم التنسيق |
|
|
|
01-10-2018, 12:55 PM
|
#5 | |
|
صح لسانك والله يبيض وجهك على القصيدة المميزة والهادفة
تقبل اعجابي وتقديري |
|
|
كنت اشوفك زهرةٍ عبقه يفوح
لين ماذبلت مع أول شهر . . غصنك الذاوي هلك مافيه روح مايصير اخظر ولو يشرب نهر
|
|
01-10-2018, 04:45 PM
|
#7 | |
 
|
نصيحه كايفه وافيه
هزاع العاصمي صح الله لسانك ملايين شاعرنا جزل ومبدع وشهادتي فيك مجروحه دمت ودام مداد قلمك ورقي حرفك تقديري لسموك النجلاء |
|
 مصممتنا المبدعه والمتألقه رحيل الف شكر لك ع التصميم الرائع
|
|
01-10-2018, 07:43 PM
|
#8 | |
|
قصيده هادفه جدا يا هزاع
اتمنى ان تنتشر هالقصايد وهالوعي بمجتمعنا لان للاسف ما نراه او نسمع به من تبذير في مجالات عدة شي يغضب الله مشكور مره ثانيه والله يعطيك العافيه علي هالابيات الجزله الجميله تقديري لك |
|
 
|
|
«
الموضوع السابق
|
الموضوع التالي
»
العرض العادي
|
|
