بنتٍ مالها أخت

‏

ليلة البارح طرت لي هواجيس القصيد=ليت ما في مرقب الشعر بأفكاري طرخت
الخلايق نام محزونها هو والسعيد=وأنا عيني مالها من لذيذ النوم بخت
ابتدي في قاف ويشيب وأبدع لي جديد =لين ما صدعت من قو تفكيري ودخت
نوب من حر المفارق ومن وجد الفقيد=ونوب فخر وعز لا شاش لي رأس وطنخت
ما برحت اغني القاف وأكرر وأعيد=لين ما استسلمت للواقع المر ورضخت
من قهر ضيم الليالي ومن حظٍ عنيد=ما التزمت الصبر وبصوتي العالي صرخت
آه واثنيت آه رغم أني أدري ما تفيد=من همومٍ فزت فيها على الغير وشمخت
وأشهد إن العمر لو كان ما ينقص يزيد=ما تعين راحة البال بنتٍ مالها أخت

#سلمى

عبدالله الصقري ,جراح القلوب ,علي القرني و 7 آخرون معجبون بهذا

ريم الفلا ,عبدالله الدّنّيش ,رحيل ,شاعرة نجد ,ملكة الرواسي ,محمد الغنامي ,النجلاء

الله الله
ياسلام عليك وصح الله لسانك ملايين
مبدعه وجزله وشهادتي فيك مجروحه شاعرتنا
دمتي ودام مداد قلمك ورقي حرفك
تقديري وتقييمي لسموك
النجلاء

الله الله
شاعرتنا سلمى
صح لسانك واعتلا شانك
نص عذب وجميل
مروري وتقديري
لاهنتي

صح لسانك ولا هنت ِ شاعرتنا
كعادتك ابداع يعطيك العافية

الله يصح لسانك سلمى مـ أرووع هـ البووح
مبدعه ماتكفيك يـ الشاعرهـ
نص فاخر وكايف ونايف,ماشاء الله تبارك الله

دمتي وداام حرفك الفااخر,’’

صح السانك شاعرنا
نص جميل تخلله نفحات حزينه
أجدتي بناءه واختيار معانيه وهذه الحياة لاتخلو
من الهم والتعب يعطيك العافية كما اسعدني المرور من هنا
اجمل تحية

الله عليك سلمى
مبدعة في كل حالاتك
صح لسااانك مليووووون شاعرتنا
تقبلي حضوري واعجابي
ولاهنتي

صح لسانك وبيض الله وجهك على اتحافك الجزل
لاعدمنا ابداعك شاعرتنا الراقيه
تحياتي