براااق النحر

السلام عليكم واشكر من دعاني وبيض وجيه جميع اخواني اعضاء رواسي نجد

يامكرمين الضيف انا عندي خبر=
ابيات شعرن تحتوي شين كثير
لي فالعرب واهل البلد وجهة نظر=
وانا صليب الراي والدنيا بخير
اكره حسن واحب شخصية عمر=
وانطح ميليشا الصدر وافزع للزبير
واخاوي اهل الطيب من بدو وحظر=
ولا الردي نكويه بالضلع القصير
اخذ من الكبوه مفاهيم وعبر=
واخذ من النعمه شكر رب كبير
لي راي حر ولا اعرف الخط لحمر=
ارخي حبال الفكر وآرد كل بير
ولا القصايد تنتشر ؟ماتنتشر؟؟=
اهم شي تترجم احساس الضمير
تدرين وش معناة براق النحر؟=
ياللي عليك يقودني سلك الحرير
راضي نعيش العمر كله في قصر=
ولا فبيت رقعته خيشة شعير
انا بقول انتاج لوعات الهجر=
وابي تقول يصير ولا مايصير؟
اني على ردتك ناذرلي نذر=
اللي يبشرني بها اذبحله بعير
وانته تفنن فالعذاب وفالقهر=
بيني وبين ارضاك حرب تستدير
تعال؟؟ ماوضحت براق النحر=
هذا نحرك اليا نطح شمس العصير

كاسب

صح لسانك يالمدبع


وبيض الله وجهك


تقبل مروري البسيط


أخوك خالد العتيبي

كساب الروقي
صح لسانك وعلا شانك
قصيده رائعه يعطيك العافيه
تحياتي

ياسلاااااام ياسلاااااام

كاسب الروقي

والله مدري وش أقول في هالشامخه

لكن يشهد الله مصافحه تطلق الوجه ياأبيض الوجه

تـعـال؟؟ ماوضـحـت بــراق النـحـر = هذا نحرك اليا نطـح شمـس العصيـر

صح صح صح كلك وجعل السعد مايملك

ودام هالشموخ بكل خير وموده

كاسب الروووقي


عز الله انك مكسب للمنتدى يالقرم

صح لسانك مليون ولا يكفون

والله يعطيك الف عافيه

لك على هالحضور الرااائع

تقديري لك اخوك


النداوي

كاسب الروقي حياك الله وصح لساانك وعلا شاانك



مروري وأحتراماتي ينتظرون قبولك

كاسب الروقي
ما اقول غير صح لسانك يالذيب
وبيض الله وجهك على هذه الرائعه
ومهما تكلمة ما راح يوفي الكلام مقدارك ومقدار حرفك
وحياك الله وبيض لله وجه من دعاك
تقبل تحياتي
ودمت بكل ود ومحبه

لاهنت على الابيات الرائعه والجميله


ودائماً في قمة الابدااع والتميز وتقبل مروري