شاقني

شاقني قافٍ مثل رمح الزناتي
ينحر الهزلات.... للابداااع مله..

هامته.. فوق النجوم العالياتي
والفضا مسرح خُطاه.. ومنزلٍ له

لا تذكرت.. العيون.. الناعساتي
درهمت.. روحي على اطلالٍ مطِله

وغارت أفواج الحنين المرهقاتي
تعرض ايااام الغرام وصورةٍ له

والجوارح مطلقات وجامداتي
غير صوتي في حشاي وصرخةٍ له

ليت.. ما نعرف فراق ولا.. نحاتي
والقلوب اغيوم.. بيض بدون عِله

وما.. كتب.. ربي.. على المخلوق آتي
وحكمته.. سترٍ رحيب ورحمةٍ له

عبدالله الصقري ,محمد الغنامي ,ناصر الهواوي معجبون بهذا

الله الله
ياسلام عليك وصح الله لسانك ملايين شاعرنا
ابدعت وامتعت كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك الشامخ
تقديري وتقييمي لسموك
النجلاء

نايف خويتم معجب بهذا

صح الله لسانك يابن خويتم ولا فض فوك دائما جزل ومبدع
بس عندي سؤال لانك اكيد ما حطيتهن الا لقصد
1:-ودرهمت روحي(ع)اطلال مطله
2:-وما كتب ربي(ع)المخلوق
اشوف ان على افضل من العين
ودي استفيد منك
لاهنت وبيض الله ووجهك

محمد الغنامي ,نايف خويتم معجبون بهذا

اقتباس:

المشاركة الأصلية كتبت بواسطة ناصر الهواوي

صح الله لسانك يابن خويتم ولا فض فوك دائما جزل ومبدع
بس عندي سؤال لانك اكيد ما حطيتهن الا لقصد
1:-ودرهمت روحي(ع)اطلال مطله
2:-وما كتب ربي(ع)المخلوق
اشوف ان على افضل من العين
ودي استفيد منك
لاهنت وبيض الله ووجهك

صح الله بدنك والجزاله نتعلمها منك ومن المبدعين هنااااا
والعين كان القصد منها اختصار ل (على) فقط
وبيض الله وجهك ولاهنت وانا هنا استفيد منك ومنك المبدعين شرواك

محمد الغنامي معجب بهذا

اقتباس:

المشاركة الأصلية كتبت بواسطة النجلاء

الله الله
ياسلام عليك وصح الله لسانك ملايين شاعرنا
ابدعت وامتعت كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك الشامخ
تقديري وتقييمي لسموك
النجلاء

صح الله بدنك مشرفتنااا العزيزة ولا هنتي وبيض الله وجهك والتقدير لحضورك الدائم

الشاعر نايف خويتم

قصيده جزله وابيات رآئعه

صح لسانك مليون ولا يكفوون

ويعطيك العآآآفيه على هالرآآآئعه

الله الله
صح لساااانك مليووون على هالجميلة
ولاهنت

نايف خويتم
صح لسانك مليون يالجزل
مبدع وجزل شاعرنا
سجل اعجابي
وتقديري