بسم من نسجد له

مشاركتي في زواج ابو بندر

بسم من نسجد له ونعبد وبه نستعين= منزلٍ سورة تبارك وعمَّ والنسا
ابتدي/ واهدي سلامي على اللي حاضرين= بمحفلٍ بالطيب والعز والمجد اكتسا
في عطوره دهن عودٍ امعتق له سنين= وطعمه احلا من لبن عرب ضاويةٍ مسا
يوم ابو بندر دعانا وقلنا حاضرين=ماتحرا قول مشغول والا قد نسا
الهجس معطيه اوامر هذالي جمعتين= وعادته لااعطيته الامر للعلم احتسا
قلت ابيها مثل من تضحك بغامزتين= تفتن بعين وحواجب وقذله والعسا
قال حاضر تكرم اكبر مدينه لجل عين=ماش عذر من الغنانيم ساده وريسا
لابةٍ تفخر بهم روق لاجا اليوم شين=خصمهم يهزم بساح المعارك ويخسا
من زبنهم في ذرا المرهف الحد السنين=وريف للعاني وللظيف بسنين القسا
مكرمين الجار واروف به من ام الجنين=للغنانيم النعم تعتبر زاد وكسا
سعد عين اللي فزوعه تحط المطرقين=منتصر من دون قولة لعل ولا عسى
قلت ما قلته وانا من رجالٍ طيبين=ساس مزحم مثل ضلعٍ على البيدا رسا
عزوتي لابة سياحين يخزون اللعين=عزهم حاضر فتي وقديمه ماعسا
ركن للهيلا/ سند روق/ سقم المعتدين=دايم اخصام النواصر اذله واتعسا
ونعم في كل القبايل لهم مجدٍ رصين=ما يغطه غير خمه جليسٍ للنسا
سند الموتر امغرب ولسيوره خنين=هاظني والضيق عني تبدد والتسا
وقمت ادرج هالقوافي يسار ومن يمين=مشي من رجله شكت من وجع عرق النسا
واثر من يهدي قصيده لجمعا مبدعين= مثل جلاب التمر لهل خيبر والحسا
وختمها صلو على ايمام كل المرسلين=ما تنفس صبح واشرق وليلٍ عسعسا

عهد ,عبدالله الصقري ,محمد الغنامي و 4 آخرون معجبون بهذا

قرناس الحرار ,الجووهره ,النجلاء ,ملكة الرواسي

عليه الصلاة والسلام
والنعم فيك وفيهم ولاهانو جميع القبائل
صح لسانك ولا هنت كفيت ووفيت بيض الله وجهك
والله يبارك للعروسين
،
،
،
،

ناصر الهواوي معجب بهذا

اللهم صل عليه وسلم

صح لسانك يـ الهواوي وتسلم على هـ الجزله الفااخره
والله يبارك لـ ابو بندر

دام الابدااع,’’

ناصر الهواوي معجب بهذا

اللهم صل على سيد الأنبياء والمرسلين
صح الله لسانك مدد بلا عدد يابو عبيد
كفيت وفيت وبيض الله وجهك على هالكايفه يستاهل أبو بندر الله يبارك له ويوفقه
والنعم بالغنانيم والسياحين من غير قصور في كل القبايل
تقديري وتقييمي لسموك
النجلاء

ناصر الهواوي معجب بهذا

صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل يستاهل مديرنا
تحياتي وتقديري لشخصك الكريم

ناصر الهواوي معجب بهذا

اللهم صلي وسلم على سيدنا محمد
وصح لسانك يابو عبيد
ونعم فيككم وأبو بندر يستاهل كل خير

ناصر الهواوي معجب بهذا

اللهم. صل وسلم على نبينا محمد

والنعم فيك وفيهم وفي جميع القبآيل

وصح لسآنك مليووون ولا يسدووون

كفيت ووفيت شآعرنا ويعطيك العآفيه على هالرآئعه

ويستآهل مديرنا الله يوفقه ويسعده

والجمييييييع

ناصر الهواوي معجب بهذا

اللهم صلي وسلم عليه وبارك
صح لسانك ملايين يالهواوي
مبدع وجزل الله لايضرك
ونعم فيك وفيهم وبكل القبائل
يعطيك العافيه
والله يبارك لابو بندر

ناصر الهواوي معجب بهذا