محيي العظام المرمه

ابو محمد على الكثيري من اعيان البلد وخيرة رجاله
استاذي في الابتدائي وزميلي في مجال التعليم سنوات طويله وجار
انتقل الى رحمة الله ان شاء الله كان بارا جدا بوالديه
حبيت ارثيه بهالمتواضعه عليه وعلى جميع المسلمين رحمة الله

باسم الذي يفني وهو حي دايم=جل وعلا محيي العظام المرمه
مذري الهواء منشي ثقال الغمايم=في(كن) كل امرٍ يريده يتمه
بماقدره راضي وعندي عزايم=وبالصبر منه الاجر احب استتمه
لوهو بدا بالحزن فينا علايم= ونفوسنا من ما دهى مستسمه
مايسخط الله عنه معرض وشايم=وعن ما يشين ارقبت في راس قمه
مرحوم ياللي مامشى بالنمايم=ابو محمد بر في ابوه وامه
من خيرة اللي يلبسون العمايم=هم الرفيق ليا درا به يهمه
عزاي فيه انه مصلي وصايم=واللي يشينه نافضٍ منه كمه
كذا احسبه والله على الخلق قايم=(ارحم بنا)ذا قول طه بفمه
عليه صلو ماتذعذع نسايم=ومافاح طيب وعد من هو يشمه

عبدالله الصقري ,علي القرني ,حمد الحربي و 5 آخرون معجبون بهذا

محمد الـفراج ,رحيل ,النجلاء ,محمد الغنامي ,روابي

الله يرحمه ويغفر له
ابيات رائعه وجميله
الهواوي
تسلم على الطرح الجميل
شكراً لك

ناصر الهواوي معجب بهذا

الله يرحمه برحمته

صح لسانك


سيدي

ابيات جزله من سموك

وانت راعي ألاوله ابو عبيد

منشود عنك

من بعيد ومن قريب

احترامي امير

ناصر الهواوي معجب بهذا

الله يرحمه ويغفر له
صح لسانك يابو عبيد
وبيض الله وجهك كفيت ووفيت
مروري واعجابي
دمت بخير

ناصر الهواوي معجب بهذا

الله يغفر له ويرحمه وأموات المسلمين
بر الوالدين عظيم نسأل الله أن يوفقنا له ويعيننا عليه
نص رائع يابو عبيد صح لسانك مرارا ودام هذا الحضور الفاخر والغير مستغرب من سموك!
تقبل تقديري،،،

ناصر الهواوي معجب بهذا

الله يرحمه بواسع رحمته ان شاء الله واموات المسلمين اجمعين
أبو عبيد
صح الله لسانك ملايين
كفيت وفيت وبيض الله وجهك
تقديري لسموك
النجلاء

ناصر الهواوي معجب بهذا

الله يغفرله ويسكنه فسيح جناته
صح لساااانك ياابوعبيد على المرثيه المؤثره
وبيض الله وجهك كفيت ووفيت طال عمرك .

ناصر الهواوي معجب بهذا

الله يرحمه برحمته

وصح لسانكـ يابو عبيد
جزل في كل مواضيع الشعر

ناصر الهواوي معجب بهذا