احدى روائع الشاعر الكبير/ عبدالهادي بن راجس السبيعي رحمه الله

خذيت من روحي لروحـي فوايـد ** ثـلاث جـزلات شـويٍ عـددهـا

الاولـه حبـي دخـول المساجـد ** والبعد عن مـن طاعـة الله فقدهـا

والثانيـة حبـي لحفـظ العـوايـد ** والبعد عـن نـاسٍ كثيـر حسدهـا

والثالثـة حبـي لنظـم القصـايـد ** لامرت الرجـل الحميـد يحمدهـا

وزودتها من روح روحـي زوايـد ** الـوذ فيهـا لا بلـيـت بنكـدهـا

احـب رجـلٍ بالمهمـات كـايـد ** لا قلت له ذيـك المهمـة قصدهـا

لاجـا نهـارٍ فيـه ناقـص وزايـد ** يحلهـا لـو كثـروا فـي عقدهـا

وأحـب زينـات البكـار النـوايـد ** علط الرقـاب اليـا توفـر سعدهـا

خطو الفتاة اللـي ظهرهـا امتعايـد ** لا اوحت ضباب الوِرد نارت وحدها

صفراً عليها مـن وبرهـا شرايـد ** مثل الهنوف اللي تنقـض جعدهـا

تلعب نهـار العيـد والعيـد عايـد ** بيـن الصفـوف بخيزرانـن بيدهـا

تنقض جديل الرأس فـوق القلايـد ** وتشوف من حبه بداخـل جسدهـا

لاضاق صـدري والليالـي شدايـد ** نصيت لي صفـراً تـدرج ولدهـا

صفـراً لبنهـا للنشامـى بـرايـد ** في دكةٍ من جـاء ييبيهـا وجدهـا

وأحب ممشاً بيـن هـدب الجرايـد ** غيـدٍ ثمرهـا نـادرٍفـي بلـدهـا

وأحـب ممشـاً بالفيـاض الجدايـد ** بين البيـوت اللـي رفـاع عمدهـا

وأحب اخيـل مرزمـات الرعايـد ** دعم السحاب اللـي ثقيـل رعدهـا

تضفـي علـى دار تضـم البدايـد ** يرتـاح بالـي لا مشيـت برثدهـا

برفقـه مشاكيـل وسـاع البنـايـد ** شقر الحرار اللي ينومـس هددهِـا

هذا هـواي وباقـي العمـر بايـد ** ولا دامت الدنيـا لمنهـو رصدهـاِ

محمد الغنامي ,روابي ,ملكة الرواسي معجبون بهذا

رحمة الله علية نقلك جميل ومتميز
يعطيك العافية محمد

لاهنت يالامير

صح لسانك

والله يرحم شاعرها .. برحمته

تحياتي لشخصك ِ

ابيات جميله ورائعه
محمد تسلم على النقل الجميل
مشكور

محمد القحطاني
سلمت يداك ودام عطاك
نقل جميل ورائع
دمت بخير
وعافيه

هلا وغلا ياملكة

الف الف الف شكر على المرور الرائع

هلا وغلا ياخيال

الف الف الف شكر على المرور الرائع

هلا وغلا ياروابي

الف الف الف شكر على المرور الرائع