احدى روائع الشاعر الداهيه/عبدالله بن زويبن الحربي رحمه الله

ياحبيبي من عيونك ضرب قلبي عيـار
ضربـةٍ مسمومـةٍ قاضيـه ومدمّـره

والسبايب منك قررت واصدرت القرار
قدم المعـذار واللـي دمرتـه عمّـره

ياعيون اللي اليا ضف جنحانه وطـار
الدرابيـل الجديـده تعجـز تـذمّـره

ولايطير الا ليا شافلـه شـوفٍ قـرار
ومخلبه في صدر برقا الجناح يسمّـره

والشفايا جمرتينٍ تواشـا وسـط نـار
توّها من قوّ صلـوّ اللهيـب مجمّـره

أنت كلّك نار تجمع بياضٍ مـع حمـار
تقل شمسٍ دوبهـا للغـروب محمّـره

والنهود صغار والبطن ظامر تقل غار
والردايف بالقمـاش الجديـد مشمّـره

والشعر يلمع على الضي من قوّ الشقار
بشت أميرٍ توّ أمير الريـاض مومّـره

لانسفته ذيل صفراً تحت طـلاب ثـار
توّ جت من فوق جرف المسيل مطمّره

كل يومٍ تقوبعه سطل من وزر البكـار
وبالشمطري كل ليلة خميـس تخمّـره

ملكة الرواسي ,محمد الغنامي معجبون بهذا

محمد القحطاني
نقل جميل وحضور اجمل
سلمت يداك ودام تواجدك وعطاك
سجل اعجابي وتقديري
ولك اجمل تحيه

لا هنت على نقلك
الله يعطيك العافية

هلا وغلا ياابو بندر

الف الف الف شكر على المرور الرائع

هلا وغلا ياملكة الرواسي

الف الف الف شكر على المرور الرائع

بداياتك كلها جميله جدا من قصص تاريخيه وقصائد وكل ماتنقل جميل جدا

اتمنى لك التوفيق

لاهنت يالامير ,

ولاتنسانا من الردود

هلا وغلا ياخيال مطير

الف الف الف شكر على المرور الرائع

ابن عبيان
يسلم ذوقك الراقي ياذوق
انتقاء جميل كما تعودنا من سموك
شاكره لك وجودك ومجهودك
تقديري لسموك
النجلاء