يامرحبــا ..والقلب فــزّ ..ودعــاا لك !!

/

القلب قلبك .. والمشاعر مشاعرك
اجرح وعذب يا حبيبي حلالك..
,
غالي ولوتخطي على القلب عاذرك
سو الذي يرضيك واللي في بالك !!
,
خابرني ميت في غرامك.. وخابرك
تموت في حب التملك .. وانا لك !!
,
ان كنت صاحي مع خيالك اسامرك
وان نمت في حلمي يجيني خيالك!!
,
يعني على كيفك وذوقك وخاطرك
اجيك انا كلي ... وكلي فدالك!!
,
اموت في غيضك وعقدة نواظرك
واموت في صدك واموت بوصالك
,
واموت في همسك ليا جيت احاورك
وفي دهشتك .. لاقلت ادور بدالك!!
,
واموت لاشع الضيا بأجمل صورك
واغيب معها .. وألتهي في جمالك!!
,
وتقول وش رايك؟ واقرب واشاورك
انت الله اعلم وش نهاية دلالك ..؟!
,
ياأني بموت وبندفن في محاجرك
او يمكن أحيا وانهبل في هبالك!!
,
وتضحك وتفرج بالسعاده سرايرك
وانا على ضحكة شفايفك.. هااالك!
,
ذوبتني مابين ملحك . . وسكرك
واهديتني قلبك..وروحك..وحالك!!
,
أقدر جهودك في حبي .. وأقدرك
وأسكنك بين الحنايا .. لحاالك!!
,
ومني جزيل الشكر والقلب يشكرك
على سموك يالغضي .. وإكتمالك!!
,
سبحان من كمل وصوفك وصورك
وخلا مجالي يندمج في مجالك !!
,
إن غبت عني قمت اهوجس وادورك
وأنشد عن ديارك .. واجي وآعنالك!!
,
وإن جيتني برضاك .. ماجيت مجبرك
يا مرحبا ... والقلب فز ودعالك !!
,
بس انت تكفى دامني صرت شاعرك
إن غاب زولك .. لا يغيييب إتصاالك

/

ملكة الرواسي ,محمد الغنامي معجبون بهذا

ذوبتني مابين ملحك . . وسكرك
واهديتني قلبك..وروحك..وحالك!!
أقدر جهودك في حبي .. وأقدرك
وأسكنك بين الحنايا .. لحاالك!!




يعطيكِ العافيةة راق لي طرحك

تحياتي لسموك

شيخـــة الغــيــد معجب بهذا

الله الله
شيخة الغيد
صح لسانك وصح ذوقك
ذائقه جميله جداً
سلمتي ولاهنتي

شيخـــة الغــيــد معجب بهذا

شيوخه
روووووووعه كعادتك غلاي مبدعه
لا هنتِ على نقلك

شيخـــة الغــيــد معجب بهذا

/

صح حضوركم الرااقي ودام
ولاهنتم ع مروركم العذب

ممتنّة لكــــــــــم ربي يسعدكم

شيوخه
يسلم ذوقك الراقي ياذوق
انتقاء جميل كما تعودنا من سموك
دمتي ودام عطائك ووجودك المشرف
تقديري لسموك
النجلاء

شيخـــة الغــيــد معجب بهذا

صح لسانك ولسان شاعرها
ذوق جميل وانتقاء اجمل
يعطيك العافيه
احترامي

شيخـــة الغــيــد معجب بهذا

/

نجولة & مهورة

سلمتما غالياتي ع الحضور الجميل

لاعدمت هـ الطلة الغالية