من روائع بن جدلان رحمه الله

يالله ياحـامـل مفـاتـيـح الارزاق
المعتنـي فـي رزق نفـس خلقهـا

إعن الخفايا مـا علـى عينـك رواق
وإذنك عن الاسـرار ماهـي بصقهـا

تجعل نفسي من غضب وجهك إعتاق
وبيديـك علـق الامـور ووفقـهـا

وأغسل قلوب أهل التباغض والاشقاق
وهـون مسالبهـا وريـح شفقـهـا

سبَـة مروجـة النمايـم بالاسـواق
اللي ما يملى الناس غيـض شلقهـا

خيل النزاهة ما ورا الغايـب سبـاق
وإن قابلـه فهـو عليهـا صفقـهـا

وقام يتمذلق قـدام وجهـك تمـذلاق
واليا نشدت في جنب غيـره لصقهـا

مطيتـه مطـلاع تحـدى وتنسـاق
وتركب عرو وان شد حملـه وثقهـا
ومعمر روض التسالـي لـه ارفـاق
ترفـع كباريهـا ويحـفـر نفقـهـا

سبّايـة الغـرات قطّاعـة الـسـاق
أعراض خلق الله ليا غابـت هتقهـا

وعشّيق للروضة و مغرم ومشتـاق
بئس العشيق وبئس باللـي عشقهـا

مايلتهم لا التفـت السـاق بالسـاق
وتقسـمـت الارزاق والله فرقـهـا

احـد يقـدم لـه حميـمً وغـسـاق
واحـد بروضـة سلسبيـل وغدقهـا

مـا قالـه القايـل للابـواب طقـاق
لا صكت ابواب العـرب مـا طرقهـا

منقـاد للعالـم مقانيـص وسبـاق
ثـارت شوازنهـا وهـدت سلقـهـا

أهديت باقة ورد من ضمـن الابـواق
ولا أقول لحد خذها ولا أقـول ذقهـا

ودي بالانفس كلها اصحاب واصداق
ولا اخشى عقايبها ولا ارجي مذقهـا

الآدمـي لـولا المكـارم والأخـلاق
كالحنظلة مـن عرقهـا ليـا ورقهـا


الشاعر : سعد بن جدلان رحمه الله

ملكة الرواسي ,محمد الغنامي معجبون بهذا

صح لسانك وصح لسان ابن جدلان رحمه الله عليه
قصيده فخكه وجزله
يعطيك العافيه على الانتقاء
تقديري لك

هلا وغلا ياالمهرة الاصيلة

الف الف الف شكر على المرور الرائع

الله يرحمه ويغفر له
محمد القحطاني
صح ذوقك وصح كلك
نقل جميل وذائقه اجمل
سجل اعجابي وتقديري
ولك اجمل تحيه

الله عليك نقل جميل لا هنت
والله يعطيك العافية

القحطاني
تسلم على النقل الجميل
استمر ننتظر ابداعك

ابن عبيان
تسلم يمينك وذوقك
انتقاء جميل وومميز
دمت ودام عطائك ووجودك الفاخر
تقديري لسموك
النجلاء

هلا وغلا يابوبندر

الف الف الف شكر على المرور الرائع