مُصافحتي الأولى >>> ,!, عشق البـداوة ,!,

بسم الله الرحمن الرحيم

السلام عليكم :)

بدعوه من أخوي القدير / السيــ عمهوج ـف ..
أتشرف بالإنظمام لكم في هذا الصرح ..

وأضع بين أيديكم مصافحتي الأولى .. وأمل أن ترتقي إلى ذائقتم .. وتنال القبول والإعجاب ..

ــ( عشق البداوة )ــ

7
7
7

ياروح روحي داخل القلب وهاج=وهاج نارٍ في حطبها رهاوه
هب الهوا وقامت تسهرج تِسهراج=ولاعاد للمشتاق منها نجاوه
حتى لو أيسند على عد هداج=لاشك الــــ .. راع الشوق فيها شعاوه
وأنا صويبك ياحسين التغناج=والشوق في قلبي لناره غثاوه
من كّثر ما أشتاقلك كني على صاج=عن وصلك المعهود مالي غناوه
بنصاك طف النار للصوت زعاج=تكفى عسا روحي لروحك فداوه
من حرها شفلي على يدك مخراج=قدام لاتضحك علي الجباوه
تراني أمن الشوق قد جاني أخلاج=أنا أشهد إن أخلاج قلبي نقاوه
كني سجينٍ مايبي حكم الإفراج=محكوم بالإعدام مابه غباوه
ماوده أعن الحكم تّنفك الأدراج=والسيف يقطع راس راع الجناوه
لا أتحط في باب المواصيل مزلاج=للهجر ما فالهجر غير الشقاوه
الله ومر بالوصل يالترف مِنهاج=ماأخبرك قاسي قلب ليه القساوه؟
وش مّزعلك مابيني وبينك أحراج=تكلم أبسمعي لهرجك صغاوه
مابه حواجز للمعاتب وألا أسياج=عاتب ومن باب الغلا الصمت قاوه
وكان الحكي يتعبك لاتحكي وناج=بعيونك أعرف وش تريد أبهداوه
لرضاك من ينبع لو إنك بالأفلاج=أجيك قلي وش تبي من رضاوه
إن كان تبغى عاج من ساحل العاج=عادي أجيبه مابعزمي رخاوه
ولو فالبحر تبغين أشيدلك أبراج=بنيتها بإسمك وأخذت السماوه
بإذن الله ألترسي لاهاجن الأمواج=وتعيش بين الغيم عيشة حفاوه
وخلي علي أمصافق الموج لاهاج=أقولها وبالفعل عندي جراوه
ومن نمة النمام لاأيصيبك أزعاج=نفس الكذوب أمصخره للدناوه
لاأتصدقين أبشيمتي هرج هراج=خص الرفيق اللي يكن العداوه
أنا عزيز النفس مانيب هلباج=ونقل الحكي ماأهضمه منذ الصباوه
ووصايف النمام داخل وهجاج=في كل بيت أيعيش مثل القطاوه
وألا آنا حبك صدق في خافقي داج=بموت وأنا أعشقك {عشق البداوه}
الدرب يمك من محبتك ينعاج=مع قاع وألا يعتلي مع علاوه
وحبك بقلبي لو بوَصفه ماماج=كانك تّعرف النير بالنير ساوه
يابو جبينٍ كنه الصبح لاأنباج=وصايفك للشعر فيها طراوه
ريح النفل فاللي على كتفك أفواج=كنه سبيب السابق أم الفلاوه
وألا الثمان اللي كما اللول لِعاج=من دونها الشفه حلاوه حلاوه
إن كان في مبسمك ياروحي أعلاج=عقاب في خفاقه أجروح داوه
اللي لوصلك ياهوى البال محتاج=لاتحرمه تراك راعي سخاوه

ع ــقاب العتيبي "

هلا والله ومرحبا


يالله حييييييي الذيب عقاب

أسفرت وأنورت والله

صح لسانك وعلا شانك يالذيب


شاعر أكثر من رائع


مبدع دائمآ كما عهدتك


لله درك يالغالي

حياك الله يا طارق
ومرحبا بك وبالساعه الي جابتك
ونتشرف في رفقة مثلك وشرواك
من الرجال

وصح لسانك على المصافحه الاكثر من رائعه
سعدنا بك وبمصافحتك الرائعه
تقبل تحياتي
ودمت بكل ود ومحبه

صــح لســانك ملييييييييـون


ولايســدوون




مصآفحه اكثــر من رائعــه


تجعلــناا ننتـظر ماهو القـآدم

اولا ً حياااااااااااك الله ملاييييين

وثانياً صـــــــــــــــــح لساااااااااااااااااااانك على هذه الرائعه

الله يعطيك العافيه

تقبل تحياتي

ياهلا ومرحبا ،، حى من لفى رواسى نجد
يالله تحى عقاب الروقى
والمحل محلك والعين اوسع لك من الدار
مصافحة مقبوله ونبغاك تثنيها وتكثر علينا منها
أبيات فى غاااية الرووعة
صح صح صح لساااانك لين ترضى
فالله درك يا اخى

عقاب الروقي
حياك الله يابن العم ويامرحبابك
وصح الله الساااانك ملايين على هالرائعه
دمت ودام ابداعك يامبدع

عقاب الروقي
ياهلا ويامرحبا بالبوح وراعي البوح
صح لسانك وسلم راسك
على هالمصافحه
الرائعه بروعة شاعرها
دمت ودام هالبوح العذب بكل خير ووموده