اختلاف الثقافات

حبك دثرته مثل دثر الحضارات=دول و قادات و شعوب و ثقافه
القلب حيّ و داعي الشوق به مات=ميّت شعور ولا بقي شيّ اخافه
في هالزمن رغم اختلاف الثقافات=[ دنيا العنا ] ماعاد فيها حسافه
على كتوفي كنت اشيل السراوات=ماهزّني ثقل الآلم و اختلافه
الضحك مرّه والبكى عشر مرّات=والروح يسموها الرضا والأنافه
طموحي ابعد من بروج السماوات=مهما اتضايق ما تضيق المسافه
لكن شبعت من الزعل و الخلافات=صار الوصل مابيننا شي اعافه
كتابنا يحوي من الوجد صفحات=نقرا نهاية عشقنا من غلافه
اخشى الوداع ولا استصيغ النهايات=ولا احب تصنيف الخطا و اقترافه
للقلب حكم / و للمحبين رايات=تسقط خلافتهم خلافه / خلافه
لولا الكرامه ما كسبنا البطولات=من عقب خيبات الزمن و اعتكافه
لانك عظيم و تستحق التحيات=هذي حقايق خاطري و اعترافه
اغفر لي الماضي وكل الذي آت=سمان عمري تعتذر عن عجافه

#نجد

شموخ الوايليه ,النجلاء ,ملكة الرواسي و 3 آخرون معجبون بهذا

عبدالله الصقري ,سجين الرواسي ,محمد الغنامي

الله الله
الشاعره نجد
صح لسانك مليون يالجزله
ابداع في ابداع ولامستغرب على اهله
سجل اعجابي وتقديري
يسبقه ختم التميز
والتقييم

صح لسان الشاعره نجد

إبداع لا فظ فوك

تقبلي مروري وتقييمي

صح لسانك ملايين
قصيده جزله وفخمه
موعريبه عليك الابداع والجزاله
يعطيك العافيه
تقديري لك

الله الله
ياسلام عليك وصح الله لسانك مدد بلا عدد شاعرتنا
كايفه ونايفه جزله ولا نستغرب الابداع والامتاع من سموك
دمتي ودام مدد قلمك الفاخر
تقديري وتقييمي لسموك
النجلاء

صح لسانك شاعرتنا
نص راقي يعطيك العافية
،
،

الشاعره الجزله نجد

لافض فووك غاليتي
قصيده مميزه ك أنتي
ربي يسعدك ويوفقك
محبتي وتقييمي

صح لسانك يا نجد قصيده جزله
مبدعه مبدعه