آخر 10 مشاركات
|
|
|||||||
| تاج القصيد .. خاص بنزف شعراء رواسي نجد. بالأسم الصريح .. |
 |
| انشر الموضوع |
|
|
أدوات الموضوع | انواع عرض الموضوع |
25-01-2017, 08:56 PM
|
#1 | |
أبعد قريب
|
يالله ياللي كل مــا دونـك عـــدم
يالله ياللي كل مــا دونـك عـــدم يا آمـر ٍ عبدك يطيعك و نـاهيــه يامن فرضت بحكمتك شكرالنعم أستغـفـرك يـارب ممّــا أنـا فـيــه يامن بغيثك مزهر ٍ شوك السلـم بالناظر اللي عانقه في خطاويــه لاترحـم اللي بالعنــاد اقسـم قسم حتى حسم بيدينه السـود ماضيـه منّه لفـاني من هزمْـه و ما هزم اللي انطفى واغنت نجومه مضاويه من حالتـه موعــودٍ بحالي سقــم والـروح معناهــا يطابق معانيـــه بـ اكتب على صفحة لياليه بـ فحم من لونها واسري بقافه و اغنّيـه و اسهر أعلّق هالمصابيح بْـ جهم صبح ٍ لفكره تلهم القلب و تنجيـه تـخـبّــر اللي ما بعــد مــرّه رحــم قـول ٍ يبلّـغ مـاهـو بْـقــول يرجيــه ترى عشـم إبليـس بالجنّــه عـشـم حتى ولـو يـسجـــد لـ ءآدم بتاليــه لا والـذي سـاوى عربهــا بالعجـم بعض المصايب ميّت القلب تحييه خلّــه ولابــدّه مثل مـاهـو ضــــرم يجيـك ينخى دمعـة اشفـاق تطفيـه عـوّد لربّـك .. علّق بـذاك الحـرم الغــافـر اللي من يناجيـه يرضيــه يفـرّج اللي في محــانيـك ازدحــم واللي يبي منه المسـاتيـر يكسيــه واذا بـدى في لوحـة النــاظر نـدم تراه نجم ٍ يلهي الشوف و يعميـه يـقــدّي اللي لا تـأمّـلْــــه اقـتـــــدم أمّـا الذي يبكـي مطيحــه يـردّيـــه ترى عـذولك لو تمكّـن بك هــــدم لاتجعلـه يــدري بمبنــاك و اعليــه هذا زمان ٍ من زرع به ما صــرم وكل ٍ على ليلاه يبــدي مشــاكيـــه مـا كلّ رجّـــال ٍ تـشـمّــغ محـتـــرم ولا كلّ من جـمّـل كلامــه توافيــــه ما تحضن الكف النديّــه من هضـم أغلى الحقـوق و ذوّق المر غاليـه يا كيف حــر ٍ قـمّـتــه فـوق الـقمـم حـداه وقته ينتـزع ريشـه بـ فيـــــه والاّ عطـارد كيف بالزهــره صــدم و اتفجّـر من القرب مغلي و مغليه حتى الملـوك بنـارهـم صاروا خـدم كل ٍ جحــد للـذات لـو كـان تدعـيــه يـا عـلّ يمنــاً ما يدسّمهـــا الشحـــم تقطف خريف عروقهــا ما تداريـــه و ياعلّ يهنـأ بالوســم راعي الغنــم ما يـرتحـل ويطــارد الغيــم بالتيــــه ويـا علّ قلبـــــ ٍ مثـل قلبي ما سلـــم يصبـر على دنياً من الشـرّ تغنيـــــه شعــل بهـا نـــار ٍعلى راس العلــــم و اصبـح علـم للنـار والنـار تـلظيــه فيهــا بقى مشلول ٍ و أبكــم أصــــم ولا درى به كـود حرف ٍ يواسيـــــه يـلـبّـي و يبني لــه المعـنى هــــــرم وان جات هقوى بالتجـارب يلاقيــه لا يا قصيــدي ما معي غيـرك حكـم عنـدك حبيب وعـنـد قلبي معـنّـيــــه غـلاه في قلبي تقسـّـــــم و اقتســــم عهــد ٍ مربّيني و عهـــد ٍ مربّيـــــه شـوفي من العـلاّت يغشـــاه العتــــم كنّ العنـاكب تنسـج خيـوطهــا فيـــه لا والله اللي صبّ في قلبـي حـمــــم مْجـاوب ٍ غيـري وانا اللي منـاديـــه رويتـــه بـ دمّ الأنـــامـل بــالـقـلــــــم ثـم اعـتبــرنـي لعبــــة ٍ ما تسلّيـــــه هو الكريـم و قد ما اعطـاني حــرم يبيني اشهـد بيعـة الحب و اغريـــه هو الغـديـر اللي سقــانـي بـ الـوهم رمى لي بْجال الظمــا شوق ٍ ابكيــه هـو الهـوى علّق على قلبي سهـــم ليتـه بعــد ما حـلّ وسطــه مهـنّيــــه خـذاني الريشـه وعلى صدره رسـم صـوره لإنسـان ٍ وهـو حيّ ترثيــــه عليـه ثـقـل ٍ لـو تــداعبــْــه الـنســــم تـتـبـسّــــم بعـطــره شفـاه و وجانيـه واذا سـمـع منّي مـراسـيـــــل الألــــم جفنـه يغضّ احسـاسه و دوم يخفيـه المشكلــه مـالي علـى دربــــه قــــدم مأسـور ٍ بـحـبـّـه و عجــزان احاكيـه أنــا عـطـيـتـــــه أجمـل وأحلى نغــــم وهـو عطـاني عن غرامــه مبـاديـــه دامــه من اللي لاحـظـــه فيني فهــم لا ينتظـر منهــو عـن الصبّ ينبيــــه أمـانـتـــه قلبـــــ ٍ من الوقت انظلــــم إمّـا يـهــــزّه بــالـغـــلا أو يـهــدّيـــــه والاّ يســاقـيـنـي الهـوى من كل جـم مــا دام عينــه بيّنت حبّ مـدمـيـــــه ليتـــه يحسّ بـ خـافق ٍ مليـــان هـــم ألفين قــاف من الولـــه ما تـكفّـيــــه |
|
|
|
25-01-2017, 09:40 PM
|
#2 | |
  
|
الله الله
ياسلام عليك وصح الله لسانك مدد بلا عدد يالصقري قصيده كايفه ونايفه وجزله من راس جزل ابداع من اول بيت الى اخر بيت وشهادتي فيك مجروحه شاعرنا دمت ودام مداد قلمك ورقي حرفك الشامخ تقديري وتقييمي لسموك النجلاء |
|
 مصممتنا المبدعه والمتألقه رحيل الف شكر لك ع التصميم الرائع
|
|
26-01-2017, 12:12 AM
|
#3 | |
|
الله الله
عبد الله الصقري صح لسانك واعتلا شانك مبدع وجزل الله لايظرك سجل اعجابي وتقديري ولك اجمل تحيه |
|
|
|
26-01-2017, 11:40 AM
|
#5 | |
  
|
صح لسانك ملايييين
نص جميل وراقي برقي حضورك يعطيك الف عافية . |
|
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!
|
|
27-01-2017, 05:44 PM
|
#7 | |
http://s02.arab.sh/i/00062/irjk1h63w93v.gif
|
روعة الحرف تعانق سمو المعنى
لتستلهم من جمال الكلمه قصة ابداع صح لسانك مليون ولا يكفون تشرفت بقرائتي لقصيدتك الرائعه وبيض الله وجهك على اتحافك الجزل تحياتي وتقديري لشخصك الكريم |
|
|
____________
|
|
27-01-2017, 06:10 PM
|
#8 | |
|
صحٍ لسانكـٍ
سِلٌمت أنامِلكُ على هذا الكلمات الرِاقٍيه ,, عَسَـاَك عَالـقٌوةَ وَ مَاَ ننـحِرم مِن ابداعك ,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ، تقبل مروري المتواضع كل الاحترام والود |
|
|
|
|
«
الموضوع السابق
|
الموضوع التالي
»
العرض العادي
|
|
