مصافحه أولى

دامك غشيم وجاهل بالقوانين=لا تشتكي لو كلبشوك بكلبشات

تفرح وبيبان الامل دونها دين=ولا سدد المديون دينه ولا مات

يعني على ما قيل بين الحجاجين=جتك الرصاصه من يدين خفيات

ناس ليا من طحت سنت سكاكين=من عقب ما نجزت كل المهمات

نسنس هواهم بس ثارت براكين=والقافله سارت ولا فيه وقفات

والبارحه ما بين خضر البساتين=قلبت في مسراي كل الملفات

لين انسكب من بين حمر الشرايين=مثايل ما عاد يبغالها اثبات

تزها من اللي لا لمست بحر قزوين=عود هماج الموج للشارب فرات

الجادل اللي خدها يجهر العين=ولا سلهمت ضاعت جميع العبارات

بنت الرجال الشامخين المسمين=اللي لهم في نجد مجد وحضارات

ما انساه لو ننسى فتوحات حطين=ولو زايدٍ ينساه شعب الامارات

بقلمي ~

روابي ,ماجد بن رتيق ,رحيل و 5 آخرون معجبون بهذا

مـهـا ,غزلان ,صـدووودٓ ,الملكة ,عايض العتيبي

رااااائعه جداً
صح لسانك ياسجين رواسي
تقبل مروري وتحاتي

سجين الرواسي معجب بهذا

الروعه في مرورك
وصح بدنك وشرفني مرورك تسلم

الله الله
ياسلام عليك وصح الله لسانك ملايين
ابدعت وامتعت ولاهنت شاعرنا
دمت ودام مداد قلمك ورقي حرفك
تقديري لسموك
النجلاء

سجين الرواسي معجب بهذا

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صح لسانك يـ الشاعر
ولاهنت على هـ الرائعه والابدااع

تقديري,’’

الله الله عليك صح لسانك
ولا هنت يعطيك العافية سجين