البَوّ

من جديدي وترى مناسبتها مالها علاقه بالانترنت كله
_______________________________________

هجرسه جديده

ياللي تهلّي فالعرب كلّ ماجوّ = وجهك ترى مافيه للخير سِيمه
انا خبيرك من قديمٍ ومن توّ = سقيم واضيوفك عقولٍ سقيمه
حتيّش يا لمعة دلالك على الدوّ = (البِنّ) مع مثلك , حرام و حريمه
مهما تعشّى الضيف يا معزّب السُوّ = مجلسك عامر بالخزاء والنميمه
و مهما تشب الضوّ وإتطفّي الضوً = ارجوك لا تِكثِر عليّ العزيمه
من خلقتي ما شفت من يتبع البَوّ = الاّ الخلوج , أم الحوار البهيمه
وإن كان جوّك مع مساييرك إحلوّ = عساك مع شرواك تلقى الغنيمه

صح الله لسانك ملايين
كايفه وجزله ومعانيها قويه يابو مشعل
لاهنت ودام حضورك وابداعك ورقي حرفك
تقديري لسموك
النجلاء

صح لسانك شاعرنا قصيدة رائعة ... دمت بكل خير

ابو مشعل
صح لسانك مليون
مروري يسبقه اعجابي
لاهنت

مديرتنا القديره النجلاء

صح بدنك ولاهنتي ابد

شكرا لسموك

ابو مشعل
ابيات في قمه الجمال والجزاله
في انتظار ابداعك القادم
يعطيك العافيه
تحياتي واحترامي لك

صح لسانك شاعرنا
جزاله وامتاع وفخامه نتشوق دائماَ لجديدك
دمت بخير وسعاده دائمه

على أجنحة الشوق
تسافر بي الحروف
نحوك. نحو إبداع ممتزج
بالرومانسية الحالمة
وأرخي سمعي لعزفك المنفرد
على أوتار العذوبة
مروري على أحرفك
يجعلني أصل الى قمة الإستمتاع
قراءة ناصعة الأناقة منك
و ثناء يحملني للسحاب
الحالمون يصعب عليهم الرضوخ
تحت أشد الأضواء سطوعاً
تأبى أرواحهم إلا التعلق بأعطاف خيال وردي
روحانيتهم الجميلة تظل تغرد وحدها في سماء الواقع
سهل على القلوب هضمها
و على الأرواح تشربها
تألفها المشاعر بسهولة
و يستسيغها وجداننا كالشهد
كذاك كان موضوعك سيدتي
لكـ خالص احترامي