وياما بنات الفكر قفّن عيافا

بعد طول انقطاع
استميحكم عذرا يا اعضاء رواسي نجد
,
,,
,

ياثاعلة قرنٌ على المتن مرجود =ويصير لا هبت شمال اللحافا
اصغي بسمعك لي ترى مابه قيود= في الناس مبلي والمعافى معافى
واستنشقي حرفي ليا هبت النود =زفرة شهيق الصدر عقب اعتكافا
عودٌ معتق زاكيه ريحة العود=يفوح في الاسواق لو ما يشافا
غثه سمين وبعض خلق الله شهود= لو ماش من بعض العباد اعترافا
استمطري ديمٌ بلا برق ورعود=يدور حوله ما لحقه الجفافا
الهام احاسيسي من عيونك السود=تورق به غصون السنين العجافا
والطيف يطلب هجسي الزود ويزود=ومالت زماليق الخضار انعطافا
عايشت صمت الليل مع غفوة العود=يوم الجنوب عن المضاجع تجافا
وسبّق بنات الريح مع قوم صاهود=صريرهن يرهب قلوب الضعافا
لو راقبوهنه وابو زيد موجود =من صد جاه الأمر بالإنصرافا
و ليا انتخن بالعود شمّر عن زنود= وكمّل فروضه في السعي والطوافا
و استنزفن حبر القلم دم يا سعود=واستوقدن نار الضلوع النحافا
و الشط أمان لزايم الموج والطود= للحق عقل وللجزافا جزافا
يا ما غرق من طرس ما قيل معيود=وياما بنات الفكر قفّن عيافا
وياما بنطق الحق قد قيل محسود=ويا ما الحقوق أثارت الإختلافا
وياما على أمواج البحر حدد حدود = وياما نُحت فوق الصخر نظم قافا
مبداء امتطيته و اعرف الدرب مسدود= وشعري هوايه ما كتبت احترافا
قلبي وسمعي والبصر كلها جنود =لرصد الحدث ومتابعة ما يضافا
ويفور دم , وما وجد مِنّه يجود =و للنص تنسيق النمط والتفافا
و انا اعترف ماجابن الزرع محصود =وبنات فكري مع حروفي تصافا
ولا جرهدن في معركة ضد نمرود = ولا حررن بصره وكابل ويافا
و سيفي يراع يفر ويكر ويعود = لا يستمع عاذل ويرفض يخافا

,
,,
,

آلله آلله
ياسلام عليك ياشاعرنا
صح الله لسانك يابو منصور
كايفه ونايفه وجزله ولا نستغرب على شاعرنا الجمال والكمال
والحضور المميز
تشرفنا بهذه الرائعه العذبه وحياك الله ياشاعر الابداع ودام مداد قلمك الشامخ
تقديري وتقييمي لسموك الكريم
النجلاء

الله الله عليك
صح لسانك يا ابو منصور على الابيات
الجميله راقت لى
تشرفنا فيك وفي حضورك الاكثر
من رائع وبيض الله وجهك عليه
لك مني كل الشكر والتقدير
اخوك حمد اليامي

الله الله

الله يحييك يابو منصور

ويحي ماجيت به من جزاله

صح لسانك مليون

جزل ومبدع الله لايظرك

مروري وتقديري

لاهنت

صح لسانك واعتلا شانك ياشاعرنا
ابيات جميله المعاني وجزله
يعطيك العافيه
تقبل مروري واحترامي لشخصك

صح السانك اخي الشاعر الكريم
قصيدة اعجبتني في بنائها ومعانيها نفس طويل مشاء الله عليك
دام نبضك واحساسك في نتظارك دائما

اجمل وارق تحية

صح لسانك واعتلا شآآآنك ..
ابيات رائعه وجميله بروعة تواجدك وحضورك ..
دمت ودام مداد قلمك الراقي وبوحك العذب ..
ودي وتقديري ..

الـهـام احاسيـسـي مــن عيـونـك الـســود

تــورق بــه غـصــون السـنـيـن العـجـافـا

ياسلام عليك يابو منصور

عودا حميدا واهلا بك من جديد في منتداك وبين اخوانك

وصح لسانك ملايين على هذه العصماء المعتّقه بدهن العود وبعطر الجزاله

تقبل خالص تحياتي