مع التخية

بسم الله الرحمن الرحيم

1. <b>

2. الحمد للي له نصلي ونشهد
   الواحد الرحمن رب البريه
   اغنم رضاه وسبِّحه دوم واحمَد
   بطاعته نفسي ونفسك غنيه
   دنيا البشر فيها المشاغل بلا حد
   نمشي ولا ندري بحكم المنيه
   لحدٍ يقول إني ولد زاكي الجد
   ولحدٍ يقول أسكن قصورٍ مِليه
   ولحدٍ يقول أملك ملايين ما تْعد
   ولحدٍ يقول المجد والعزِّ لِيَّه
   محدٍ درى وش هو نصيبه من الغد
   يا حظ من يرحل بليا خطيه
   كم واحدٍ يبني وبنيانه انهد
   أرساه في أرضٍ صباخٍ رديه
   لا بد من ثوبك بيومٍ تجرَّد
   ويصبح كسب عمرك لغيرك عطيَّه
   تبدأ حياتك حين في القبر تلحد
   ما عاد به عزوه ولا من حميَّه
   لكِن بانصح عل بالنصح ترشد
   نصايحٍ فيها دروسٍ جليه
   حبل الوصل خلِّه على الدوم ممتد
   بالوصل تنعم بالحياة الهنيه
   وافرد حجاجك لا تقطبه بِعْقَد
   ميز جبينك با بتسامه نديه
   يا قلِّ ربعك إن غدا يومك أسود
   ويا كثرهم قبل الكدر والأسيّه
   لا تبذل المعروف ثم تحتري الرَّد
   الغيث عمِّ القاع وارضٍ عليه
   خلِّك حزامٍ في الملمات يِنْشَد
   لا خير في شخصٍ يخلي خويه
   مثل القمر خلك إذا غاب يفقد
   خلِّ التواضع في صفاتك سِجيه
   ولا تتبع المقفي بذمٍّ إذا صد
   منتب إلهٍ تِطِّلِع كلِّ نِيَّه
   كم واحٍدٍ يضحك وهو جارحه حد
   يخفي جروحه وسط نفسٍ أبيَّه
   في المجتمع خلك مثل شامة الخد
   سمحٍ ولك في كل خير أولويه
   ومن قبل لا ترمي بتهمه تأكَّد
   كسر النفِس يبقى على الدوم كيّه
   وأمك وأبوك ف برهم لا تردد
   إن كان ودّك بالجنان الرِّضيه
   وإذا بخدمتهم تضيقِ وتنهَّد
   اذكر تعبهم فالسنين الخليه
   وعيالك أدِّبهم على سنة أحمد
   وعلى الصفات الطيبات الشليه
   التربيه تبغى الليانه مع الشد
   والقدوه أفضل قاعده تربويه
   ما عمرها تصفق بغير أختها يد
   والشخص بأخوانه عزومه قويه
   كلٍّ بها الدنيا به عيوب لابد
   والرابح اللي ما يتمادى بغيه
   أفضل صلاةٍ عدِّ ما الطير غرد
   على النبي محمد مع أجمل تحيه

   
   
   
   
   
   
   </b>

صح لسانك يا ريح المسك واعتلا شانك ،، اللهم أحسن خاتمتنا على الشهاده والتقوى والصلاح .. دمت بكل خيرررر

اللهم صل وسلم على سيدنا محمد وآله وصحبه

بيّض الله وجهك يا مسك وصح لسانك
قصيدة جزلة ونصائح قيّمة
وفيت وكفيت جزيت خيرا وجنة وحريرا،،

عليه الصلاة والسلام


قصيدة رائعة تحث على الاخلاق السامية والصفات النبيلة

ريح المسك صح لسانك واعتلا شانك

جزاك ربي الفردوس الأعلى

اللهم صل وسلم على نبينا محمد
يعطيك العافيه ياريح المسك
نقل مميز ونصائح رائعه
تقديري لك
النجلاء

اللهم صلي وسلم عليه
صح لسانك ياريح المسك
ابيات جميله ورائعه
يعطيك العافيه
دمت بخير وسعاده

ريح المسك

صح لسانك واعتلا شانك

مروري وتقديري

لا هنت