نجاحي بعيد الإحتمال

السلام عليكم ...
هذا اللي يسمونه شعر الحداثة
والمرادفات اللغوية بتوحيد القافية
تكون الكلمة المرادفة لفظا ًوليس
بالضرورة أن تكون مشتقة من المعنى ...

يقول بن عمار

كيف ذا ؟ وأنا ضليع ٍ في مداهيل ، الغزل = أسمع .! إن الذيب تالي وقتنا .! صاده غزال
ودامك بطبعك تدّور ، لك ، على غيري بدل = بأتركك ! تلقى وأنا غيرك أبا ألقي لي بدال
كل شخص ٍ سلمّ أمره في حياته و إتكل = قلعته ... !! دامه ، على غيره ، يريد الإتكال

نجاحي بعيد الإحتماااال

مدّ كفك ، وإنتزع ، ورد ٍ بوجداني .. ذبل = ذاوي ٍ بأسباب هجرك ، صار بغصونه ذبال
من ترعرع في الحشاء وهو نموه ما اكتمل = ماحد ٍ في الخلق جاء كامل ، ولله الكمال
والحشاء ...!!! ماعاد يستحمل ، معاناة وعلل = من طعون الوقت وصدك بادي ٍ فيه إعتلال
في سماء فكري سناء برق ٍ بنورك إشتعل = و جاوبت كل المشاعر، وسط جوفي بإشتعال
والمدامع ...!! إستثارت ،، نوّها بك ، وإمتثل = وشعبة أنفاسي بصدري ،، أذعنت للإ متثال
صرت مع طيفك سجين ٍ وين ما حلّ ورحل = علمّتني ،، نظرة عيونك ،، سبب شد الرحال
بعد مانجمك توارى في سماء فكري وظلّ = إنكسر عقبه , شعاع الشمس ، وإمتد الظلال
عاقت الذكرى لقانا ..! والقدم لك ، ما وصل = وقصرت حبال المودة و إنقطع جسر الوصال
عقب وقت ٍ راح لا من غبت ، مرسولك سأل = صرت ما تسأل .!عن أخباري مجرد لوسؤال
كيف ذا ؟ وأنا ضليع ٍ في مداهيل ، الغزل = أسمع إن الذيب تالي وقتنا ..! صاده غزال
ودامك بطبعك تدّور ، لك ، على غيري بدل = بأتركك .!! تلقى وأنا .غيرك ، أبا ألقي لي بدال
كل شخص ٍ سلمّ أمره ، في حياته و إتكل = قلعته ... !! دامه ، على غيره ، يريد الإتكال
والقدم ، محفوظة ٍ ،، في دربها ،، مهما حبل = لونصب فخه ،، وحاول شربكتها في الحبال
مهما هبّ الريح ، عمره ما يزحزح له جبل = وما بكل ٍ لو ثبت ، يرسي كما ترسي الجبال
وأدري إن كلش على درب المحبة محتمل = وان نجاحي ...!!! ميّه بميّه ، بعيد الاحتمال
كلما أفتل حبل وصله ، ردّ ينقض ما إنفتل = إنقضى عمري ،، وأنا وياه في نقض وفتال
جففّ آبار الغلا ، من عقب ما ، ثار الجدل = عرقل لوادي التواصل ، من سبب طول الجدال
وفاض جمّ ٍ بالنواظر ، أحرق أنصاف المقل = وسجّل بدمعي من الحسرة ، على خدي مقال
وغاض منسوب العباير ، بالمحاجر وإختزل = والهوى ..!! راعيه عينه ،، ماتجيد ، الإختزال
ماهقيت ان ،، شوف زينه ، للعواطف ، ابتذل = ماشي ٍ .. له ،، مطمئن ،، وما توقعت ،، إبتذال
شوفة المحبوب ، إلى من جاء زيارة ماختل = واثق ٍ بحساب ..!! خطواته ، ويمشي بإختيال
يحسبون إنه ،، ملاك ٍ من سماء الدنيا .، نزل = فارس ٍ قادم ،، على الصهوة ،، يدّور ،، للنزال
كل يوم وناظري ،، من صفحة الخد إكتحل = وهام ، في شعل العيون ، اللي زهت بالإكتحال
كامل ٍ وصفه ، على ، ما فيه من حسن ٍ ودّل = جمّله ، رب الخلايق ،، حط به ذوق ودلال
ما تعّود .! شيل حمل ٍ ؟؟ وأعتقد .، جسمه ثقل = والاّ هذا ،، واللي مثله ...! ما يشيلون ، الثقال
لو بغيت أضرب على أوصافه ، مع العالم مثل = ما لقيت ؟ بجملة المليون ،، في حسنه ، مثال
لا اعلن ،، برأس المؤشر،، معمل إعداد الجمل = يرسل النوتة..! تترجم ،، كل ، مفهوم الجمال
وأطربت ،، بألحانها الهاجوس ، والبال إحتفل = ومع سحر ،، نغماتها ، عاشوا ، بجّو الإحتفال
معتلي ،، للنون خط ٍ ، مثل ،، تقويس الهلل = والسيوف اصفوف ، وقد ٍ منظره ، للعقل هال
ونابي ٍ نبّا ظهوره ،، شوفته ،، للقلب ،، تل = شقق اللبّة ..!! سوات الفقع ..!؟ بسفوح التلال
مفترش ، في حوض بيره ما اعتلا ظهرالجمل = و ايتمايل ،، بالتثني ،، لا نهض ، مثل الجِمَال
ولا انتثر ، مجدوله اللي ، من على متنه خصل = قلت له ، هذي سجايا ، اللي كريمين الخصال
و دار حذا ّفه ،، وبدّ ل ! ما ظهر لي به ،، خلل = في توازن ؟؟ يقبل و يقفي ..! ولا فيه إختلال
آتجمّد ...!!؟ لا تعداني ،، بوضع ٍ ...؟.؟ مفتعل = وآتراجع .!؟ خطوتين ٍ له ..! بنفس ، الإفتعال
ولاسألت القلب وش به ..؟ فى المحبة مااعتزل = قال ..!! ما ظنيّت ..!؟ عندي ، نيّة ٍ للإعتزال

رابط الحماية

تحيتي وتقديري
محمد بن عمار

عبدالله الصقري معجب بهذا

الله الله
صح الله لسانك يابن عمار
ابدعت وامتعت بهذه المعلقه الفاخره
ولا نستغرب من شاعرنا الجمال والكمال والحضور المميز
تقديري وتقييمي لسموك
النجلاء

الله الله كلمات جد روووعة تسلم يمينك
على هالابيات الجميلة التي تمتعنا بها بكل
بكل مشاركاتك الرائعه بحظورك المميز
تقبل مروري واعجابي
المهرهالاصيله

الله الله يابو عبد العزيز

صح لسانك يالجزل
ابداع الله لايظرك
دمت بخير

صح لسانك شاعرنا
شاعر كبير وتطربنا شاعريتك وقصايدك دائماً
دمت بود وتقدير

محمد بن عمار
الله يعطيك العافية
على هذا الطرح الجميل والرائع كلمات استوقفتني لجمالها
دائماً التمس الأبداع من طياتك العذبة والأكثر من رائعة
كل الشـــكر لك على فيض قلمك الذي يجعلني ابحر في طياته
واتعلم إبداع الشعر من كتاباتك
في إنتظآر جديدك المميز دائما
احترامي يابطل

دااااائما تتحفني سطورك الالماسيه الراقيه
دمت باحترام

ابن عمار
صح لسااانك لين ترضاء مع جل التقدير والاعجاب