نااايف الطاااروق

السلام عليكم
مشاركة متواضعة
لشموخكم الباسق


(( نايف الطاروق ))

سرى الهاجس وهيّض معه نايف الطاروق
على اللي ، هجرني ، وأشغل البال فراقه

شكيت السهر والوجد من حرّ نار الشوق
ولكن .؟صروف الدهر ،، للناس ،، سبّاقه

ذكرت الذي لأجله ، ستار الحشا مشقوق
ذبحني بهجره ،، والحكي صار ، بشفاقه

وعندي خبر ، إن الهوى ، كاتبه من فوق
إله ٍ !! كتب آجااال ،، خلقه ،، مع أرزاقه

ترى اللي مثل شرواه ، له مركز ٍ مرموق
عزيز ٍ ..!! وهرجه ،، لا نطق ،، كله لباقه

بنى له بجوفي ، منزل ٍ بالحشاء ، مطقوق
ضلوعي كما الأطناب وصدري له رواقه

قتلني ، حسين الدل بأخلاقه ، اللي ذوق
وطرف ٍ كحيل ٍ ،، صفّت ارموشه دقاقه

الى من خزرني طحت في موقفي مصعوق
خطف ،، ناظري من صفحة ،، الخد برّاقه

وحالي برت واللي بقا دم .! وسط عروق
برت مثل غصن ٍ ، مورق ٍ نشفت أوراقه

ولاعاد دون الموت إلي صرت أنا مخنوق
سوى الكف ، أداري به ، عن الحلق خنّاقه

طلبته ,، على وضح النقاء ، كلمة ٍ برفوق
يبّرر خطاه ،، أو يرحم القلب ،، بإعتاقه

أنا دايم أخشى ، هرجة العاذل المطفوق
ومثله ، صديق المصلحة ، أحذر .، نفاقه

وشي ٍ طبيعي في دروب الهوى مسبوق
سبقني الهلالي ، لاعج الشوق ،، قد ذاقه

وعزي لقلب ٍ به اهموم ٍ تسوقه سوق
على شوفة المحبوب ،، زادت به أشواقه

ضربني ، برمح ٍ اخترق ، حدّه المعلوق
تخطّى ، ضلوع الصدر ، من قوة إطلاقه

أنا إن مت ، من شانه ترالي عليه حقوق
حقوقي ..!! عليه إنه ، نقض عهد ميثاقه

عسى مزنة ٍ تسرى تكاشف رعد وابروق
مراويح ،، ذعذاع الهوى ،، نوّها ،، ساقه

تعل الشعيب ،، و ينبت الزرع ، والزملوق
و تسقي الديار ،، و خالق الطير ،، رزّاقه

وهذا سلامي له ، عسى الله ، يجيب اوفوق
تحية ...!! محب ٍ ،، قالها له ،، من أعماقه

حيتي وتقديري
محمد بن عمار

عبدالله الصقري معجب بهذا

ياسلام عليك يابن عمار
صح الله لسانك عاى هذه الرائعه الفاخره
ابدعت وآمتعت وشهادتي فيك مجروحه الى الابد
لاعدمنا جمال قصايدك وحضورك الراقي
تقديري لسموك
النجلاء

صح لسانك ملايين شاعرنا
قلم مميز يستحق المتابعه بكل سرور
نتوق لجديدك القادم
دمت بخير وسعاده دائمه

محمد بن عمار

صح لسانك مليون ولايسدون

مبدع ولاافيك حيله

دمت بخير

صح لسانك يابن عمار
ابيات كلها ابداع وجمال
دايما مميز في شعرك
يعطيك العافيه
لاهنت
تقبل مروري واعجابي
المهره الاصيله

صح لسانك شاعرنا
شاعر كبير وتطربنا شاعريتك وقصايدك الممتعه
دمت بود وتقدير

صح السانك يالغالي ولا هنت

قصيدة رائعه كروعتك

تسلم يمينك ويسلم ف*** على هالاحساس المرهف

بإنتظار الجديد و الرائع من عذب مشاعرك

تقبل مروري المتواضع..