خمس احروف

تواصليه مع القسم ..

يـــا مـــن لـقـلـبٍ صـايــرٍ فـيــه داكــــوك = كـــنّــــه مـــعــــدات بـــــــن لادن تــــدكّــــه
تومـي بــه الدنـيـا عـلـى سبـعـة ادروك = وقـــد ذاق مـــن بـقـعـا ثـلاثـيـن صَــكّــه
لاهـــوب مستـيـسـر ولاهـــوب مـفـكــوك = نـــــــاره تــلــظّـــى والــحــنــايــا تــضـــكّـــه
من واحدن سجّل علـى قلبـي اصكـوك = واصبحـت لـه مملـوك مــن دون شِـكّـه
اسمه بخمس احروف فالقلب مسبوك = وداخــل تويـتـر خمـسـة احــروف نـكّــه
اهدي له الورده .. ويزرع لي الشـوك = عــــــزّاه مــــــن حــــــظٍ تـــوسّــــد بــلــكّـــه
تكفـى يابـو تركـي نخيتـك وانــا اخــوك = من اهل الرياض ادخيلكم يا اهل مكّه
افـزع عسـى الله يرحـم امـك مـع ابـوك = جـــــاك الـدخــيــل و لازم انّـــــك تـفِــكّــه
بالجـاه وان عـيّـوا نـبـا نِـرخـص الـبُـوك = ولاّ نــبــا نـلـقــى مــــع الــنـــاس سِــكّـــه
امّــا ختمنـاهـا عـلـى (الفـيـن مـبــروك) = ولاّ الـهـوى يــا سعـيـد , بـابــه نـصـكّـه

الله الله

صح لسانك مليون ولا يسدون يابو مشعل

والله انها جزله من شاعر جزل

سجل اعجاب اخوك وتقديره

كنت هنا

الغنامي

امّــا ختمنـاهـا عـلـى (الفـيـن مـبــروك)

ولاّ الـهـوى يــا سعـيـد , بـابــه نـصـكّـه

الله الله

ياسلام عليك يابو مشعل

قلبك خضر ولا فيك حيله ابدعت وامتعت وصح الله لسانك على هذه الرائعه

دمت ودام مداد قلمك الشامخ وفيض مشاعرك العذبه

تقديري لسموك

النجلاء

صح لسااانك
لين ترضاء جزل ويعطيك العافيه

اسمه بخمس احروف فالقلب مسبوك

وداخــل تويـتـر خمـسـة احــروف نـكّــه

صح السانك مليون ونشاء الله اختامها الفين مبروك

وحياه سعيده ودمت بهذا التميّز ودمت بخير وسعاده

صح لسانك شاعرنا
قصيده جميله لاتصدر الا من شاعر جزل ومبدع
دمت بخير وسعاده دائمه

الغنامي

النجلاء

الروقي

الجليدي

الريم

صحت ابدانكم ومشكورين على التواجد المشرّف

دمتم بود وتقدير

صح لسانكـ و أعتلاء شأنكـ ع الرائعه ..

تقديري لكـ ..