طعون الظهر

تواصليه

لعلها ترتقي للذائقه

ياهاجسي هات عِلمك لاتلفّ و تدور = فضفض هموم العنا .. يمكن يقلّ السهر
إنفض غبار الحكايه عن ثلاثة دهور = ساعه بساعه ويوم بيوم لآخر شهر
ماعاد باقي كثر ماذاقت النفس جور = وماعاد باقي كثر ما ذاق قلبي قهر
مادام خيلي تسابق للفنا والثبور = و أرض الاماني عقيمه ماتطلّع زهر
وشهوله اجحد صوابي وأدّعي بالسرور = ووشهوله ادفع سكاتي للغبينه مهر
ثلاثة اعوام .. اجاهدها بقلبٍ صبور = لين انصهر قلبي الصابر بجوفي صهر
وماعندي اغلى من الغيره بصدر الغيور = ولاعندي اطهر من الدمعه يسمّى طُهر
وماشفت يبقى سواة النقش فوق الصخور = الاّ جروح البنادم من طعون الظهر
يالله دخيلك من الحيره و ضيق الصدور = ومن السراب إن تلحّف له عباية نهر

ياعيني عليك ياعبدالله ... سطور رااااقت لي
واهنيك على ماقدمت من تميز ... دمت باحترام وتقدير

يوما بعد يوم تتوضح وتتجلى لنا مواهبك وإبداعك والفكر الراقي الذي تحمله.
اسمح لي اخي العزيز عبدالله بن طلال ان أرفع عقالي احتراما
وتقديرا لك على ماتحمله من فكر نير ومعرفة ثاقبة
بارك الله فيك
محبتي وتقديري لك..

الله الله الله
اليوم طلعنا الي في القلب صح هههه
يسعد قلبك يابو مشعل على هالبركانيه الراقيه

صح لسانك لين تقول خلاص
سجل اعجابي وتقديري

الله الله
شنو هذا شي جميل
ابدعت في نثر احساسگ وكلماتگ
بصراحه اهنيگ ع كل حرف نثرته
رجونه كانت هنا
ودي..~

صح لسانك يابو مشعل
فضفضه صاخبه
لاهنت وبيض الله وجهك

الله الله
صح الله لسانك يابو مشعل
كما تعودنا من شاعرنا الابداع والامتاع والجمال والكمال بكل ماتفيض به مشاعرك العذبه والراقيه
دام وجودك ورقي حرفك الشامخ
تقديري وتقييمي لسموك
النجلاء

يعطيـك ـآلـعـآفيـه على طرحك المميز...
دومآ بآنتظاار المزيد من جديدك القآآدم...~~
الك خاالص آحترآمي