اهداء خاص

السلام عليكم ورحمة الله وبركاتة


اهداء متواضع لكم





الف:اولف من جزيل المعاني
ما جال في صدري نطق به لساني



والباء:بدعت القاف والقاف معنى
وقافٍ بلا معنى ترى ماهواني



والتاء:ترى للشعر معنى وغايه
ياطيب شعرٍ جملته المعاني



والثاء:ثلاث سنين والقلب مغرم
مع واحدن يا ناس حبه بلاني



والجيم:جابه حظي اللي قردني
وسلمت سيفي والعصاء والحصاني



والحاء:حلفنا مانخون العلاقه
ما انساه دامه صاحبي مانساني



والخاء:خلاص الروح معها اسيره
اسيرتن في يدين دعج العياني



والداء:دواء قلبي وغاية مرامه
شوفة لطيف الروح صاف الثماني



والذاء:ذهاب الحال مما يسله
من شافني يقول وش فيك فاني



والراء:رهيف الخد مبعد وغايب
ودي بوصله مير وقتي حداني



والزاء:زماني ما صفت لي لياله
يقبل ظلامة كل ما النور باني



والسين:سافرنا ندور دياره
ننشد عنة فاالبر واهل المباني



والشين:شاب الراس والعمر يجري
واللي وطى عنتر وعبلة وطاني



والصاد:صابر والصبر وصل حده
مايحتمل قلب العنا لو ثواني



والضاد:ضامي مير ما ينفع الماء
روي ضماية صاحبي لا سقاني



والطاء:طوال الوقت والفكر شارد
هاذي معاناتي وغيري يعاني



والظاء:ظروف الوقت وقفت بوجهي
عجزت اصارع ماجرى في زماني



والعين: عياءالحظ ياقف بصفي
كم مرة فيها نخيته عصاني



والغين:غاب النوم والسهر عاده
اسهر طوال الليل حتى الاذاني



والفاء:فراقة منه حالي رديه
رحت الاطباء والدواء ماشفاني



والقاف:قالوا كان تبغى علاجك
عند الذي تهواه مافيه ثاني



والكاف:كافي ياحياتي تغلي
تراك فيني ماكسبت الحساني



واللام:لم الجرح يانور عيني
انا فديت اللي برووحه فداني



والميم:مد اليد لي يا حبيبي
انت الدواء وانت الرجاء والاماني



والنون:نعرف كل شي مقدر
مايكتبه ربي على العبد كاني



والهاء:هجوسٍ فا الضماير وقلتها
والامر واضح مايبى ترجماني



والواو: وصلت قصتي منتهاها
بينت لااهل المعرفه ما دهاني



والياء:ياوال الكون ياخالق البشر
تجعل مقامي في علي الجناني








محبكم مرهف الاحساس

الله الله

صح الله لسانك مليار ولا يكفون

قصيده جزله من شاعر جزل ورائع

دام الابداع ورقي الحرف والمعنى

تستحق الوقوف وختم التميز بكل جداره

تقديري لسموك

النجلاء

صح لسانك يامرهف

من الالف الى اليا جزاله وقص وتفصيل

ابدااع بكل ماتحمله الكلمه
في منتهى الذوق والجمال
دووما في تالق وتميز مستمر

صح لسانك

ويسلم هالابداع الجزل

لا هنت

تقديري

سلمت ولا هنت ع الرائعه ،،
تقديري لك ،،

اقتباس:

المشاركة الأصلية كتبت بواسطة النجلاء

الله الله

صح الله لسانك مليار ولا يكفون

قصيده جزله من شاعر جزل ورائع

دام الابداع ورقي الحرف والمعنى

تستحق الوقوف وختم التميز بكل جداره








تقديري لسموك

النجلاء

صح بدنك وروحك يالاميرة والرووعه هو كلامه العذب وتواجدك اسمك في متصفحي المتواضع
تقديري لمقامك