سلام والشعر ابتدا والقاف يحويه الجمال ,,

للتواصل

سلام والشعر ابتدا والقاف يحويه الجمال = اللي على جزل المعاني دونة منظومته
سلام وابداع القصيد اليا حضر هز الجبال = من رايقن بالفكر تغني نظرته عن قومته
الليله الهاجس دعاه الوقت وانحا له مجال = والماهر اللي يستحق الا اينفرد في عومته
يأهل التمعن بالقصيد الوضع ما فيه احتمال = لو عادت الذكرى على المنجوم في منجومته
مدام بينها الفهيم وحط للجاهل مثال = يا مدعين المعرفه وش تحتوي معلومته
بانت نجوم وغيبت منكثرها ذاك الهلال = والله وكيل اللي بها قد ضيِّعت مرسومته
صارت مواضيع الحياه امن الخيال وفالخيال =والمتّـكي كان اعتبر وش مكسبه من زومته
والتايه اللي ما عرف دربه وصار ابه انحلال = يا عنك والله ما ربح يومن فقد مسهومته
مايكسب الشينه يكود اللي ضعيف امن العيال= والحر يفرق لا لمحته بالسماء في حومته
تجري رياح المعرفه والفايده كسب الوصال = والناس معظمهم تواخى ما عرف ملزومته
كلن على ما قيل تثبت وقفته جزل الفعال = والعمر يمشي والغشيم يضيع في موهومته
واكيد يا وقت العنا وابك المحيل المستحال = واكيد ميلك للردي وان طولت به نومته
الله يقدينا على فعل الصواب امع الرجال = والله يجنبنا الخطا واللي كشف ملغومته
سلام والقصد انتهى والقاف يحويه الجمال = اللي على جزل المعاني دونة منظومته

تقديري لكم

الله الله

صح الله لسانك مليون ولا يكفون

ابدعت وامتعت قصيده جزله من شاعر جزل

دمت ودام مداد قلمك الشامخ

تقديري وتقييمي لسموك

النجلاء

صح لسانك واعتلا شانك


ودي

صح لسانك وعتلا شانك
جزل وشهادتي فيك مجروحه

تقبل مروري وتقديري والترحيب بك وبحروفك وهذا شرف ان اعانقها اليوم بعد غياب طويل

اخي الراقي بشعرك
الجميل

دمت ودام مداد قلمك الشامخ

تقديري وتقييمي لسموك

صح لسانك واعتلاء شانك ،،
تقديري لك ،،

صح لسانك ملاااااايين ..... اعجبني مانثره بوحك الراقي المميز

تقبل مروري واحترامي

صفحه مذهله ومكتمله بِ جمآل الطرح

شكراً لك من آلقلب علىَ هذاَ آلعـطآء
بِ آنتظآر جديدك آلعـذب وآلمميز
لًكڳَ مِنٌيّ أٌجَمًلٌ أِلًتَحِيُأٌتِ