إليا تبسم شع وأشـرق بالآفــاق ... نوره يفــوق البــدر سحـــر منطـــوق

هــذهــ قصيدة وسالفة أتمنى أنهآ تحوز على أستحسآنكم ..

*
القصيدة تدور حول القهوة والدلآل وهي للـ شآعر المعروف [محمد بن عبد الله القآضـي]
من موآليد مدينة عنيزهـ ويرجح الروآة أن وفآته في عآم 1284هـ , وهو شآعر بليغ
ومعروف .. له شعر في الغزل والحكمه والوصف ...

هذآ الشآعر القآضي طول الله أعمآركم كآن هو وجيرآنه كل ليله القهوة عند فلآن , الـمــهم
في يوم من الأيآم وهم جآلسين صآر الرهن بينهم وبين القآضي على أنهم قآلوا يآ أبوعبدالله
كل القصيد اللي نسمعه منكـ أكثرهـ فيه غزل والظاهر مآ تقدر تجيب غيرهـ ؟
قال : إلا أقدر أجيب ! .. لكن على وشو أجيبه ؟
قآلوا : أبداً
يقول رآعي البيت عشى الجمآعة القآبله علي أن جبت قصيدة مآفيــهآ
طآري غزل لا تقل عن ثلآثين بيت وإلآ يصير عشآهم عليكـ إذا تعرضت للغزل قآل : تم
مآ يخآلف اتفقو على هـ الموضوع ...
قعد القآضي معه السبحه يومي بهآ ويونون (( يومي يعني يمين ويسآر )) بينه
وبين روحه يتكلم ويومي بـ السبحه ويهوجس , عآد رآعي البيت خآف أن القآضي يآكلهم
في الرهن ...
المهم أنه خذ هآك الغضآره (( الطآسه )) يبي يجيب فيهآ مآء من دآخل ..
يوم دخل وإلآ البيت فيه الحريم الكبيرآت في السن دائماً يصيرن في جهه منعزلين وفـــي
جهه ثآنيه البنآت .. عآد تخبرون البنآت يدورن مكآن يقعدن فيه يآ أما في رآس
الدرجه وإلا في أسفل الدرجه يجتمعن , الحآصل يوم دخل هو وتلآقيه وآحده من هـ الحريم
الكبآر وألآ والله أن صوتهم طالع , قآلت سليمآن كن حسكم طآلع شوي ..
قآل : أيه والله عندنآ القآضي وقآعدين نتجآدل في كلآم مترآهنين حنآ ويآهـ أنه يجيب
قصيدة مآ يجيب فيها طاري غزل وأن حنآ خآيفين يآ أم عبد الله أنه يآكلنا في الرهن .
قآلت : لا مآ يآكلكم .

قآل : وش لون ؟
قآلت : نشوف له دبرهـ خل المآء ويسهل الله
قال : زين و رآح ... وتقوم وآحدهـ من هـ الحريم و تدور وآحده من
هـ البنآت .. دورت
أجملهن وقآلت : تعآلي يآ فلآنه رآسكـ خليه جديلتين وهي تقوم فــعلاً تعـمــل الــجديلتين
وتخليهن يتلآمعن عآد الشعر أسود وزين ولبسوها هآكـ الثوب ..
وقآلوا نبيكـ لامن القآضي بدأ في القصيدة وجآء في نص القصيدة أدخلي , وعآد هي
رآفعة ثوبهآ ملبسينها حجول وشآيله الغضآرهـ في يدهآ .. وطبعاً متخيرين أجمــــلهن
الحمرهـ والبيآض يتهآوش فيهآ وعليهآ عيون ووجهه والقصد من هذآ أنهم يبون يخلون
القآضي ( يطلع الرصيف ) ولآ يستمر في قصيدته هذآ لأجل أنه يخل بالرهن ...
عآد هي مآسكه الغضآره وموقفه عند البآب والحريم جنبهآ واقفآت بس يبي يدخـــلونهآ
ويخلونهآ تحط الغضآره وتمشي ...
جآء الرجآل اللي هو رآعي البيت وجلس وقعدوا يسولفون والجمآعة قآعدين يقدعـــــون يعني (( يتقهون ))
وهذولاء هم حآضبين من عندهـ وهو قآعد قآل : هآهـ يآ أبوعبد الله وش تقول في الرهن
اللي بيننا وبينكـ تبي تجيب قصيدة مآ فيها طآري غزل قآل : إيه ابجيب في معآميلكم ودلآلكم

قآلو توكل على الله قآل القآضي :

يامل قلـب كــل ما التـــم الأشفـــــاق ... من عام الأول به دواكيك وخفــــــــوق

يجاهـد جنود في سـواهيج الأطــراق ... ويكشف له أسرار كتمها بصنـــــــدوق

إلا عن له تذكــار الأحبـاب واشتــاق ... باله وطاف بخاطره طاري الشــــــــوق

قربت له من صافي البــن مـــــا لاق ... بالكف ناقيهــا من العــذف منســــــوق

أحمس ثـلاث يانديمــي على ســــاق ... ريحه على جمر الغضا يفضح الســوق

حـذراك والنيــه وبـالك والأحــــراق ... واصحا تصير بحمسة البــن مطفـــــوق

لا أصفـر لونــه ثم بشت بالأعـــراق ... صفرا كما الياقوت يطرب له المــــــوق

وعطت بريـح فاخـر فــــاضح فــــاق ... ريحه كما العنبر بالأنفـــــاس منشـــوق

دقه بنجـر يسمعــه كـــــل مشتـــــاق ... راع الهوى يطـــــرب إلا دق بخفـــــوق

ولقم بـدلة مـــولع كنـــــها ســـــــاق ... مصبــوبة مربوبـــة تقــــــل غرنــــــوق

خله تفـوح وراعي الكيــف يشتـــاق ... إلا طفــح لــه جوهـــر صـــح لــــه ذوق

أصغر قموره كالزمـرد بالأشعـــــاق ... وكبـــار هالطافـح كما صافي المــــــوق

وزله على وضحا بها خمسة ارنـاق ... هيل ومسمــار بالأسبـــاب مسحــــــــوق

مع زعفران والشمطري إلا انســاق ... والعنبــر الغالي على الطــاق مطبـــــوق

فالا اجــتمـع هــذا وهــذا بتـــيفــــاق ... صبه كفيت العـوق عن كـــل مخلـــــــوق

بفنجال صين زاهـي عند الأرمـــــاق ... يغضي بكر سيه كما إغضــاي غرنــــوق

إلا انطلق من ثعبتـة تقـل شبــــــراق ... رنق تصـور بالحمامـــه على الطـــــــوق

شكل على الفـنجـــال لونـــه إلا راق ... دم الغـــزال إلا انـمــزع منـــه معلــــــوق

ذوقه إلا منـه تســلســل بالأريـــــاق ... عليـــه من مـــاء صـــافي الورد مذلـــوق

راعيه كنه شــارب ريــق ريــــــــاق ... كاس الطرب وســــرور من ذاق لــه ذوق

وإلآ يوم مرت البنت قآل :

يحتاج من بيض العذرى إلا فـــــاق ... غرو يمــــز شفــاه والعنـــق مفهـــــــــوق

عبث يعيل بحبتــــه ما بعد مـــــــاق ... وهو يضاهي زاهـــي البــــدر بشعـــــــوق

في وجنتيه إلا غنج ضوح بـــــراق ... عجــــل رفيفـــه بالطهــــا مزنه طبــــــوق

سحر كتب من حبر عينيه بــأوراق ... خديـــــــه صادين ونــــونــين من فـــــــوق

كن العرق بخدودها حص الأرنـاق ... نثـــر على صفحـــــات بلــورة الشــــــــوق

إلا تبسم شع وإشــــراق بالآفــــاق ... نوره يفـــوق البـــــدر سحـــــر منطـــــــوق

بالعنق كن المسك والورس بــراق ... ما مشخـــص في صــدري الشـــآخ مدفوق

أبو دليق كن باطـــــرافه حـــــــلاق ... حدر البريم وهــــافي الـــــوسط مســــروق

يمشي برفق خايف مدمج الســــاق ... ويفصم حجول ضامهـــــا الثقــــل من فـوق

أظن لو يمشي شقاق بالاســــــواق ... من المـــــلا مايمطــــخ الخمــــس مخلـوق

إلا حصل لك ساعة وأنت مشتـــاق ... فاقطف زهر مالاق والعمــــــــر ملحـــــوق

فايلا حضر ماقلت عندي فالارزاق ... في يـــد كريــــــم كافــــل كـــــل مخلــــــوق

هذا وصلـــوا عدد مانض بــــــراق ... على النبـــــي الهاشمـــــي خيـــر مخلـــوق

وطبعاً يوم انتهت القصيدة .. قآلوا : عليكـ الرهن أنت اللي أخليت به عليكـ يآ أبو عبد الله
قال : لا , وش علي ؟!
قالوا : نعم ..
قالوا : أحلف مآ تحلف يقوله لرآعي البيت .
قآل راعي البيت : لآ أجل إلا صآرت المسأله عودت للحلف لا والله الحق علينا حنآ .. أنت تستآهل
يآ أبوعبد الله ذبيحتين أول وحده عن هـ القصيدة العصمآء ثآني شي حنا اللي أخلينا بالرهن
وسوينا الحركه هذي .

شعار اهل القصيم

صح لسانه ولسانك وبيض الله وجهك على النقل المميز

الروقي

من ذوقك الراقي ياذوق

اسعدني تنويرك متصفحي لاخلا ولا عدم اجمل حضور

تقديري لسموك

النجلاء

جميل ما نقلتي لنا ..

سلمت أناملك يالغلا ..

وهومه

اسعدني تواجدك لاخلا ولاعدم اجمل حضور

تحياتي لك

النجلاء

يعطيكـ ـآلعآفيه يآلغلآ وبآنتظآر جديدكـ ـآلقآدم بشوق
دـآم ـآبدـآعكـ ودـآمت موـآضيعكـ ـآلجميله

وتونه
شرفتي ونورتي يالغلا
لاخلا ولاعدم اجمل وارق حضور
تحياتي لك
النجلا

نجوووله
يعطيك العاافيةة ع روعـةة متصفحك
لاعدمناا جديدگ الرااقي
لـ روحك ورد الجوري