رضيـت بالحـزن عـمـر وبالمـواجـع خلـيـل

رضيـت بالحـزن عـمـر وبالمـواجـع خلـيـل
وقــــدرت اعــيــش بـحـيــاةٍ بــاهــتٍ لـونــهــا

عودّت نفسي مدامـي جيـت عابـر سبيـل
كــل مــا دهتـنـي مصـيـبـه قـلــت ياهـونـهـا

عـاصـرت مــن دورة الأيـــام شـــيٍ مـهـيـل
ومــريـــت بـــــدروب غـــيـــري مـايـمـرونـهــا

مـن كثـر ماشلـت ماباقـي بجوفـي مشيـل
روحـــي تـــدور مـعـيـن ولا لــقــت عـونـهــا

كـم شجـرةٍ جيـت أدور لــي تحتـهـا مقـيـل
وحـتـت ورقـهـا وعـــرّت فـوقــي غصـونـهـا

واليـا رميـت الهمـوم بسهـم صـبـراً جمـيـل
امــــا يــجـــي خـلـفـهــا والا يــجـــي دونــهـــا

اسمع بصدري صيـاح وهمهمـات وعويـل
وأردهــــــا خـــايـــفٍ لا الـــنـــاس يـوحـونــهــا

من غربة الـروح ضيعـت الهـدى والدليـل
وخــطــاي تــاهــت ولابــــه مـــــن يـقـدونـهــا

نـهــاري أعـتــم ولـيـلـي بالـتـعـاسـه طــويــل
الـكـون مـشــرق وروحـــي مـظـلـمٍ كـونـهـا

هـذي علـومـي بـعـد فـقـد الـظـلال الظلـيـل
مـالــي مـــن الـــدور خـاويـهـا ومسـكـونـهـا

زهـدت فـي عيشتـي بعـد ام طـرفٍ كحيـل
يـالـيـتـي ادري بـتـالــي الــوقــت وشـلـونـهــا

عهـدي بهـا يـوم تـروي قلـبـي السلسبـيـل
مــن قـيـظ الأيــام تـوردنـي عـلـى عيونـهـا

وتفيض في قلبي الضميان شوق وتسيل
وأروى ولا أروى وأعـود أظـمـا لماعونـهـا

وان سولفـت كنـي أسمـع للحمايـم هـديـل
وأقـــوم أغــنــي لــهـــا والاحـــي لـحـونـهــا

كان اختصار الأنوثه في جسدها النحيل
يـلـغـي جـمـيــع الـنـســا بـعـيــون مفـتـونـهـا

كنـا ســوى والـزمـن بالـوصـل مــده جـزيـل
ذقــنـــا حـــــلاة الـحــيــاه الــلـــي يـقـولـونـهــا

ومـن ذاق قلبـه حنـان منقضـات الجـديـل
والله لـتـشـتـالــه الــدنــيــا عـــلـــى مـتـونــهــا

وانـا بعـد مـا أهتنيـت أقفـت وحـل الرحيـل
ويــاويـــل حــالـــي لــيـــا قــامـــو يـطـرونــهــا

بـابـقــى عـلـيــلٍ يـحـركــه الـنـسـيـم الـعـلـيــل
لاهــب فــي قـــاع روحـــه جـنــت جنـونـهـا

ومادام راحت مابي من حلمي الا القليـل
أن عشـت فــي قلبـهـا وان مــت فعيونـهـا

الشاعر
مرزوق العتيبي

عـاصـرت مــن دورة الأيـــام شـــيٍ مـهـيـل
ومــريـــت بـــــدروب غـــيـــري مـايـمـرونـهــا

مـن كثـر ماشلـت ماباقـي بجوفـي مشيـل
روحـــي تـــدور مـعـيـن ولا لــقــت عـونـهــا

كـم شجـرةٍ جيـت أدور لــي تحتـهـا مقـيـل
وحـتـت ورقـهـا وعـــرّت فـوقــي غصـونـهـا

واليـا رميـت الهمـوم بسهـم صـبـراً جمـيـل
امــــا يــجـــي خـلـفـهــا والا يــجـــي دونــهـــا

اسمع بصدري صيـاح وهمهمـات وعويـل
وأردهــــــا خـــايـــفٍ لا الـــنـــاس يـوحـونــهــا


صح لسان ولد العم
انتي وين جيتيني عساها تجي شياطينك قولي امين
اشهد بالله انك عرفتي تختارين وين اوديك عن الموت بس
احطك في علبة ببسي وسكر عليك ولا وين اوديك النجلا صح قلبك وكلك عن كل شر

اقتباس:

المشاركة الأصلية كتبت بواسطة محمد الروقي

عـاصـرت مــن دورة الأيـــام شـــيٍ مـهـيـل
ومــريـــت بـــــدروب غـــيـــري مـايـمـرونـهــا

مـن كثـر ماشلـت ماباقـي بجوفـي مشيـل
روحـــي تـــدور مـعـيـن ولا لــقــت عـونـهــا

كـم شجـرةٍ جيـت أدور لــي تحتـهـا مقـيـل
وحـتـت ورقـهـا وعـــرّت فـوقــي غصـونـهـا

واليـا رميـت الهمـوم بسهـم صـبـراً جمـيـل
امــــا يــجـــي خـلـفـهــا والا يــجـــي دونــهـــا

اسمع بصدري صيـاح وهمهمـات وعويـل
وأردهــــــا خـــايـــفٍ لا الـــنـــاس يـوحـونــهــا


صح لسان ولد العم
انتي وين جيتيني عساها تجي شياطينك قولي امين
اشهد بالله انك عرفتي تختارين وين اوديك عن الموت بس
احطك في علبة ببسي وسكر عليك ولا وين اوديك النجلا صح قلبك وكلك عن كل شر

محمد الروقي

صح قلبك وصح بدنك وصح لسان ولد العم

هههههههه

والله اني ميته من الضحك وانت بتحطني في علبة ببسي

لاخلا ولاعدم جمال وروعة حضورك الراقي وردودك الذوق

مرورك يشرفني وينير متصفحي المتواضع

تقديري لسموك

النجلا

صح لسان شاعرها .. وسلمت يمينكـ ع النقل ..

ودي لروحكـ ..

النجلالالالالاء
تسلم الايادي
شاعرتنا الر قيقه

اقتباس:

المشاركة الأصلية كتبت بواسطة أوهــام

صح لسان شاعرها .. وسلمت يمينكـ ع النقل ..

ودي لروحكـ ..

آوهـاآآم

صح بدنك يالغلا

وربي يسلم عمرك وقلبك من كل شر لاعدمتك

اسعدني حضورك

تحياتي لك

النجلا

النجلاء
روعة .. وذوق
سسلمت..يمناكـِ..ع ـالطرح
عافاك ..ربي ..ع حسن ..الانتقاء
دمتِ..بهذه..الإطلاله..العطرهـ
لقلبكـ..طوـوق..يــآآآسمين
تحيتي .. وودي

اقتباس:

المشاركة الأصلية كتبت بواسطة طيور الجنة

النجلاء
روعة .. وذوق
سسلمت..يمناكـِ..ع ـالطرح
عافاك ..ربي ..ع حسن ..الانتقاء
دمتِ..بهذه..الإطلاله..العطرهـ
لقلبكـ..طوـوق..يــآآآسمين
تحيتي .. وودي

طيور

الروعه تكمن في حضورك الراقي واحساسك العذب

اسعدني تواجدك المشرف

تحياتي لك

النجلا