**اعتذاار**

السلام عليكم ورحمة الله

جديدي,لـ التواصل...

لا يابرودك تعتذر عقب ماصار=وللحين جرحي من نزف ماغسلته!
شبيت من شمع الموده لك النار=على كفوفي من غلاتك شَعَلته
وأخطيت في حقي وأنا مـ .آخذ الثار=ياما دفنت بوسط قلبي وشلته
ياما تنازلت وتجرعت الأمرار=وقصْرَت خْطاي ومطلبي ماوصلته
لاحيت للورق وتحاشيت الأسرار=في قاف شعرٍ لافتلته فتلته
وليا لعب وهج المشاعر بـ .الأوتار=قوّيت قلبي بالصبر وامتثلته
أغار من نفسي على نفسي أغار=مدري قتلني الصمت والا قتلته
ينزع مراتع بسطي الطير,لاطار=وش عاد لو ما جاا على البال قلته!
وأحتار في بعض المواقف والأقدار=وشلون تنقض ماتعبت وجدلته!
أدري وربي لي مكانه ومقدار=وأدري ملكته خافقك من دخلته
بس العجاج يْعكّر الجو لاثار=وشر الحليم ليا غضب,ماجهلته!
مالك عذر,لاتعتذر مـ .أقبل أعذار=عذرك ولو ترقى السما ماقبلته

خيال مطير ,محمد الغنامي ,تركي التويجري و 2 آخرون معجبون بهذا

نور ,محمد العواد

عذبه وراآائعه ..

صـح لسانكـ " شاعرة نجد "

تقديري لكـ ٍ..

حياك الله ياخوية الدرب
وصح لسااااااانك بس ياكبرها الشرهه

على خوية الدرب من كم سنه تغيب عن موقع اخوها

وصح لسااانك لين ترضين لا غرابه ياشاعرتنا خبري فيك الجزاله

اقتباس:

المشاركة الأصلية كتبت بواسطة أوهــام

عذبه وراآائعه ..

صـح لسانكـ " شاعرة نجد "

تقديري لكـ ٍ..

صح بدنك مراقبتنا الفاضله
والراائع حضورك

شكري وتقديري,’’

صح لسانك شاعرة نجد وقصيدة عذبة ورائعة,تقبلي مروري وإعجابي.

أخوك - ابن سينا.

صح لسانك
شاعرنا الحبوب

اقتباس:

المشاركة الأصلية كتبت بواسطة محمد الروقي

حياك الله ياخوية الدرب
وصح لسااااااانك بس ياكبرها الشرهه

على خوية الدرب من كم سنه تغيب عن موقع اخوها

وصح لسااانك لين ترضين لا غرابه ياشاعرتنا خبري فيك الجزاله

اتحيا وتدووم شاعرنا
وصح بدنك وشرهتك على عيني ورأسي طال عمرك
والخير فـ الجايات ان شاء الله
وصح بدنك وتسلم عـ الحضور الكريم

شكري وتقديري,’’

الله الله الله
ارتويت هذى الصباح شعراً حقيقة ابداع وشاعرية لا يختلف عليهاثنين
سطرتي اجمل الايات واروعها من خلال متصفحك رائعة احسيسك من خلال القصيدة
ورسمتيها بنفس شعري جداً فق الامتياز اسعدني المرور من خلال متصفحك كل الاعجاب والمتابعة وصح السانك ملاين
دام نبضك ولك اجل تحية