عقب الهوى حطيت بالقلب [ خنجرك]

للتوآصل

:

ويـن "الـوفـاء" والذكـريآت القديـمـه
يومـك تجينـي شـوق هلـت معابـرك
.

يـوم الهـوى هبهـب عليـنـا نسيـمـه
ارسلتـلـي قلـبـك ولانـيـب جـابــرك
.

جيـتـك وجبتـلـك مشـاعـر حمـيـمـه
وتقـول مجـروحٍ وانـا كنـت عـاذرك
.

وشلت الجروح اللي بقلبـك عظيمـه
علـى جروحـه حطـهـآ يــوم ينـظـرك
.

وحصلتلـكـ وســط الليـالـي حشيـمـه
ومافيه شخصٍ كان بالوقـت قاهـرك
.

لــكــن نهـايـتـنـا نـهــايــه[ الـيــمــه ]
انت الوحيد اللي ترى خفت بخسرك
.

واليـوم مالـك داخــل الــروح قيـمـه
عقب الهوى حطيت بالقلب[ خنجـرك ]
.

لاتـحـسـبٍ درب الـهـجـر بالغنـيـمـه
مـآفيـه شـيٍ ! للهجـر يـوم يجـبـرك
.

والحين في ذكـراك لـو هـي وخيمـه
في كل يـوم يمرنـي صعـب[ ماذكـرك ]
.

(شآعر)وعايش في همومـه وضيمـه
كتـب علـى جـرح المحبـه خوآطرك
.

ارســل جــروحٍ بالضمـايـر مقيـمـه
حسبـي علـيـك الله مـا لان خـاطـرك
.

قلتـه علـى الموقـع وبـانـت جريـمـه
يمكـن علـى هــاك الليـالـي [تـذكـرك ]

الشاعر عبد العزيز فهد العصيمي

فهد عبد العزيز العصيمي

والله وسبعة أنعام ياولد العم

صح لسانك واعتلا شانك

جزله من شاعر لا ياتي غير بالجزل

سلمت يالذيب الله لا يهينك

لك أجمل تحيه

عبد العزيز...

صح لساااانكــ
كلاماااات في قمه الروووعـــــه
لاعدمنا جديدكـ
تحياتي لكــ

صح
صح
صح
لساااااااااااااانك واعتلااا شاانك
ياعبد العزيز فهد العصيمي
كفيت ووفيت
نترقب الابدااع القادم بكل شوووق

صح لسانك يا العصيمي


جزل ورائع ومميز يا ابن العم

دمت بهذا التميز


محبكم مرهف الاحساس

عبدالعزيز العصيمي ...

تسلـــم انـــاملك علــى ماكتبت ويسلم احساسك العذب وذوقــك الراقـــــي بـــانتظــــار جديـــــدك ..

دمتَ بـــــود ..

عبد العزيز بن فهد العصيمي
صح لسانك مدد بلا عدد يالغلا
قصيدة جزلة ورائعة وكلمات في غاية الجمال ولكن لا تعلوا جمالاً من كاتبها
قصيدة عالية في ذوقها: رفيعة وشامخة بشموخ ابو فهد, اعجبتني وحاولت اقتبس بعض السطور
ولكن كل بيت اجمل من اللي قبلة,, دمت يالغلا ودام تواصلكـ المشرق والامع والمميز
الف شكر لكـ ولقلمكـ الذهبي
امتناني لسموك طال عمرك

ما فيك حيله شاعرنا الجميل

قصيدة بها من العتب الجميل الكثير اجدت في بنائها
وتدرجها في المعاني اجدت اخي الكريم الى حد الجمال دام نبضك وصح السانك
وكم اسعدني مروري ارويتني شعر هذى المساء
اجمل وارق تحيه