يا من يوصل للجليدي سلامي

يا من يوصّل للجليدي سلامي=وعنده يورّد بالمعاني لحوضه
اللي بوصف مرودمات السنامي=جزالته من كل فن معروضه
شاعر تقلَّد للنوادر وسامي=واللي فرض على الخلايق فروضه
ابختصر لك يا مساعد كلامي=عندي من امرار المودّه حموضه
وأشوف في ذود المشاعر هيامي=عاف المرْاح وعاف حَمْضه وروضه
الريم طول احداث قصة غرامي=يرهن مصيري يابو ماجد غموضه
بالموهبه في مستعار الاسامي=إلى متى حرب المشاعر نخوضه
جيته بقانون المحبه نظامي=والظاهر انه يحسْب الحب فوضه
ومحبةٍ تِجزَى بـ ..قلّ اهتمامي=والله ما تسوى جناح البعوضه
طال الغياب ومِخْطَر الشوق حامي=ولو عندي عهود الغرام محفوظه
ضيعت في سكة مرامي ... مرامي=ومثلي تردّت يالسنافي حظوظه
ما كنّه الا يوم عاف المنامي=متقاعدٍ تظغط معاشه قروضه

نديم القوافي
محمد العواد

شيخـــة الغــيــد ,قرناس الحرار ,هماليل و 5 آخرون معجبون بهذا

نايف خويتم ,حمد الحربي ,عبده حكمي ,محمد الغنامي ,ملكة الرواسي

صح لسانك ولا هنت شاعرنا
نص راقي برقي حضورك المتميز
لا تحرمنا جديدك

الله الله
كفو واسندت على شاعر كفو
صح لسانك يالعواد مليون
نص جميل وعذب
ولاهو غريب على شاعرنا
سجل اعجاببي وتقديري
يسبقه ختم التميز

محمد العواد معجب بهذا

صح لسانك شاعرنا
مبدع وننتظر جديدك

متقاعدٍ تضغط معاشه قروضه

الله الله
ولله انكـ جزل يابو سيف

صح لسانكـ لين ترضى

محمد العواد معجب بهذا

اقتباس:

المشاركة الأصلية كتبت بواسطة ملكة الرواسي

صح لسانك ولا هنت شاعرنا
نص راقي برقي حضورك المتميز
لا تحرمنا جديدك

صح بدنك يالملكه

شاكر مرورك

تقديري لك

ومـحـبـةٍ تِـجــزَى بـ..قـــلّ اهتـمـامـي
والله مــا تـسـوى جـنــاح البـعـوضـه



صح لسآنك شاعرنا القدير

ويعطيك العآفيه على هالرآئعه

محمد العواد معجب بهذا

اقتباس:

المشاركة الأصلية كتبت بواسطة محمد الغنامي

الله الله
كفو واسندت على شاعر كفو
صح لسانك يالعواد مليون
نص جميل وعذب
ولاهو غريب على شاعرنا
سجل اعجاببي وتقديري
يسبقه ختم التميز

ماعليك زود
صح بدنك يالغنامي
كل الشكر لك