يا من يوصّل للجليدي سلامي=وعنده يورّد بالمعاني لحوضه
اللي بوصف مرودمات السنامي=جزالته من كل فن معروضه
شاعر تقلَّد للنوادر وسامي=واللي فرض على الخلايق فروضه
ابختصر لك يا مساعد كلامي=عندي من امرار المودّه حموضه
وأشوف في ذود المشاعر هيامي=عاف المرْاح وعاف حَمْضه وروضه
الريم طول احداث قصة غرامي=يرهن مصيري يابو ماجد غموضه
بالموهبه في مستعار الاسامي=إلى متى حرب المشاعر نخوضه
جيته بقانون المحبه نظامي=والظاهر انه يحسْب الحب فوضه
ومحبةٍ تِجزَى بـ ..قلّ اهتمامي=والله ما تسوى جناح البعوضه
طال الغياب ومِخْطَر الشوق حامي=ولو عندي عهود الغرام محفوظه
ضيعت في سكة مرامي ... مرامي=ومثلي تردّت يالسنافي حظوظه
ما كنّه الا يوم عاف المنامي=متقاعدٍ تظغط معاشه قروضه

المشاركة الأصلية كتبت بواسطة ملكة الرواسي (المشاركة 479518) صح لسانك ولا هنت شاعرنا نص راقي برقي حضورك المتميز لا تحرمنا جديدك

المشاركة الأصلية كتبت بواسطة محمد الغنامي (المشاركة 479519) الله الله كفو واسندت على شاعر كفو صح لسانك يالعواد مليون نص جميل وعذب ولاهو غريب على شاعرنا سجل اعجاببي وتقديري يسبقه ختم التميز