** مــــــــوّال الـــــمـــــعـــــرفـــــه**

27-12-2009, 08:36 PM

بسم الله الرحمن الرحيم
السلام عليكم ورحمة الله وبركاته
الموال مايصلح غير بالصوت لاكن المعذره الصوت ما يساعد
هذي ابيات لها موضوعها الخاص واتمنى ان تنال الأعجاب

يامدعي المعرفه ماهوب بالساهل=المعرفه ماتجي من واحدً جاهل

وأصغر مواطن ماهوب بند للعاهل=تبغى الحقيقه حقوق الطبع محفوضه

ياللي تغني مع الواوه وشنكوتي=الضلع ذيبه عوى ياسامعً صوتي

والبحر حاديك عنه القرش والحوتي=تبغى الحقيقه حقوق الطبع محفوضه

ياراعي القاف قافك لاتغنيبه=لاتضيّع الوقت في جمعه وترتيبه

امحددلك هدف ماتقدر تصيبه=تبغى الحقيقه حقوق الطبع محفوضه

النايفه نايفه والواطيه واطي=والنايفه تنثني للي لها ساطي

والواطيه ضمة المسكين والخاطي=تبغى الحقيقه حقوق الطبع محفوضه

ياللي تغني على الموال بالفاضي=للمملكه حاكم وللمحكمه قاضي

عرفت ولاّ تبانا نذكر الماضي=تبغى الحقيقه حقوق الطبع محفوضه

ونكان تبغى الضهور وناويً ترقا=لاتقرب عتيبه لا الروقه ولابرقا

من يعترض للعتيبي يحرقه حرقا=تبغى الحقيقه حقوق الطبع محفوضه

وانا من اللي لهم فالمجد عنواني=امحيّلين الثنيه لجل الأكواني

كم شيخ قومً عليهم علق العاني=تبغى الحقيقه حقوق الطبع محفوضه

ألآد منّعر هل الطالات والهيبه=دغالبه وفعلهم تفخربه عتيبه

تاريخنا وسط نجد الناس تحكيبه=تبغى الحقيقه حقوق الطبع محفوضه

وانته مريض وسفيه ولنّته بصاحي=تراك في وسط يدي مثل مسباحي

ان التفتلك والله منت مرتاحي=تبغى الحقيقه حقوق الطبع محفوضه

انصحك خلّك مع الواوه وشنكوتي=تغنّ بلّحانهم واشرب من التوتي

مسموح وان عدتها بطاك بالبوتي=تبغى الحقيقه حقوق الطبع محفوضه

بدر بن الحميدي