هنا .. سجن القوافي !!

كلما امره واشوفه بعيني واسمعه
يرجع بفكري الــ عقدين وزيادة سنه

شي له يرتاح قلبي وشيٍ يوجعه
وشي يضحكني وشيٍ بكت عيني منه
ــــــــــــــــــــــــــــــــــــــــــــــــــ ـــــــــــــ
توقيع حضور

الجووهره ,شاعرة نجد معجبون بهذا

شبت الضو تنعش خاطر اللي تهيض
يوم صبت وهبت هل وبل القصيد

ودي اني اغني وانتظر واتريض
عل ناسي تنام،اسهر على مـ أريد

واسمر الليل كله لين هجسي يفيّض
حول ضوي لحالي من فريد الجديد

من مناهل وعذبٍ لـ كتبته يبيض
وجه هجسي لِيا منّه سرى بي بعيد

الجووهره ,ناصر الهواوي معجبون بهذا

اهلا بشاعرة نجد بعد القطيعه ما اقول الغيبه
وعليكم السلام ورحمة الله وبركاته
وصح بدنك
الآن علينا مطر وجو بارد

للأسف المنتدى ثقييل حيل

الجووهره معجب بهذا

المهلي مايولي
ومساء الخير شاعرنا المبدع

معترفه والله لكن للظروف احكام
جعلها امطار خير وبركه
والله يزيدنا ويزيدكم من فضله

شبت الضو ليا صار الهجوس امتهيض
لكل ما فات لفات الفكر تستعيد

القوافي ابا اردعها وعيت تريض
والطواري تنادت من قريب وبعيد

مرحبا كثر ما الوادي بسيله تفيض
بالبيوت العذاب وبالكلام المفيد

(للامل) في ظلام (الياس) شبت أوميض
بس انا اشك بالاول وذاك الاكيد

الجووهره معجب بهذا

صح الله لسانتس ولاهان راستس شاعرتنا
ابيات في قمة الابداع
بس لاتقاطعينا بالحيل لو بعد رمضان ههههههههههه

صح الله لسانتس ولاهان راستس شاعرتنا
ابيات في قمة الابداع
بس لاتقاطعينا بالحيل لو بعد رمضان ههههههههههه