عايض بن قبلان

جديد القريحة سجله واترك المنسرخ
ويا هجس ناد الملهم يصيح لفروخه

ولي هاتها تشبه لمن بالحلى ممروخ
يسبي في جماله جاهل السوق وشيوخه

يقول المولع فيه له خاطري مشروخ
صورة طبق الاصل الــ درة الترك منسوخه

على متن ريمه هجس خل الرسن مطروخ
نبي ريحها مسك ونبي طعمها خوخه

يا عايض ولد قبلان بن عايض المطنوخ
شبلٍ من نعومة ظفره مبين شموخه

كذا اشوفك الشامخ بعيني وزدت شموخ
بعد ما عقدت الحبل مع ناس مطنوخه

تعليت بالقمة ومن لد فيك يدوخ
لولاه اعتصب في غترته طار نافوخه

لو امديت وقتٍ قد مضى لبسوك الجوخ
على السابقه ويقال من لابس الجوخه

ولاهي تمني انت شيخ وسليل شيوخ
ويا كثر البشوت اللي على ماش منفوخه