هنا .. سجن القوافي !!

السلام عليكم ورحمة الله وبركاته
وأسعد الله صباحكم بكل خير وسرور وعافية .
وماشاء الله عليكم وصحت السنتكم
مرور متأخر وسامحونا !!
صح لسانك ابو عبيد وصح لسانك شاعرتنا .. ولي تعليق .....

آلاحظ غياب غيري .. خيال والجوهرة ورحيل .. والآخرين الأكارم .
عساهم سالمين وغانمين .. ودمتم طيبين ،،

الجووهره ,شاعرة نجد معجبون بهذا

اقتباس:

المشاركة الأصلية كتبت بواسطة ناصر الهواوي

ياللروعه صح لسانتس ابدعتي وامتعتي ولاهنتي شاعرتنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
جيتك وانا ما كنت عنك امتغيِّب
اقصدك يا سجن التسالي والابداع

لو رحت لي يومين عندك قريب
وغيري غيابه شهر وايام وسياع

حبيب انا لك وانت عندي حبيِّب
لكن واحدنا غدا اسداس وارباع

وقاف الغزل لا رِحِم عيا يشيب
وازجر هجوسي عنه لاشك ما طاع

والظن يكذب والاماني تخيب
ما غلي سعر شراه بالرخص لك باع

ما كان قبل اللي تجدد كذيب
لكن سدر مخه على صوت قرقاع

&&&&
^-^
لا حامت الغيمة عزومي تهيّب = وأنظر مناشيها على كل الأصقاع
شعلة بوارقها تصيب وتذيّب = القلب يرجف والصواعق بالأسماع
والغيمة اللي صبت النوّ صيّب = يا علها تسقي العذية والأرياع
سحابها مردوف بِكري وثيّب = والبرق والراعد يدوّي على القاع
ترزم بطرقٍ كنها إلا ( حبيّب ) = وصوت البرد يعزف على طبل وإيقاع
وعساك يالصاحب بصحة وطيّب = شعرك ونجد الشاعرة عذب وإمتاع
^_^

الجووهره ,شاعرة نجد معجبون بهذا

اقتباس:

المشاركة الأصلية كتبت بواسطة شاعرة نجد

^
^

أبيات بين الحقيقه والفكاهه
والعذر والسموحه من معازيبنا,يشهد الله عزيزه علي الرواسي
وانا عضوه قديمه فيه...

يـ ناصر ابن عْبيد حال الرواسي
مـ عاد شجّعني على حضرتي فيه

يرثَى لحاله عقب ذيك الاماسي
اللي من الابدااع طابت لياليه

مابين راسيّه ومابين راسي
هذي تسلينا وهذا نسليه

لْحزة تواجدهم نجيه بْحماسي
وكلٍ يشارك من جديده وماضيه

واليوم باقي فيه راسك وراسي
ومازلت بـ الابدااع تنعش وتحييه

والعالم الله منتهي وش تْواسي
خلاص وش رايك نروح ونَخَليه؟

^-^
بعد إذنكم بالرد والصوت قاسي = وهذا الصدى يجهر ويظهر خوافيه
صحيح غبنا وأحتوانا النعاسي = لكن حلوم اليقظ والنوم تنفيه
صوت الفراق أقسى من أقسى القواسي = ولمّ الحبايب دوم رأفة وترفيه
أرواح عاشت كنها ع الكراسي = متقاربة .. والنت طابت مساعيه
وان غبت يا رأسي فلا أنته بناسي = ياكم طربت وكم لشعره تجاريه
وابو عبيد الساس له والسياسي = ونادي الرواسي ما يفرّط بطاريه
^-^
وسلامتكم وتصبحون على خير ،،،

الجووهره ,شاعرة نجد معجبون بهذا

اهلا بشاعرتنا وصح الله لسانك وبدنك
وهلا بك يابو عامروصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
واقع لكن صادم ومحبط وقاسي
لله حنا دايم ونرجع ايليه

قاف ومهول وصدق طير نعاسي
ابيه مبنى بس معناه ما ابيه

اللابتب اهتز واهتز راسي
جاه ارتخاء ما ثبتنه علابيه

اجهل بكم واراكم اعز ناسي
لما ترون اقول حاضر ولبيه

باقي هنا ما شقتوا طويق راسي
ومسامحين ولا الحق احدٍ مشاريه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
ـاذا قررتم شي سامحوني

الجووهره ,شاعرة نجد معجبون بهذا

عليكم السلام شاعرنا الدنيش
وصح بدنك وصح لسانك على هـ المجاريات الممتعه
والابدااع

وعودا حميدا,’’

الجووهره ,ناصر الهواوي معجبون بهذا

اللابتب اهتز واهتز راسي
جاه ارتخاء ما ثبتنه علابيه

رووعه يـ الهواوي,خلاص مابعد هـ البيت شي
صح بدنك وصح لسانك
وتستاهل الرواسي الوفاء من الوافين والمبدعين
والله يرد الغائبين سالمات وسالمين

وسلمت ودمت,’’

الجووهره ,ناصر الهواوي معجبون بهذا

يـ حمامه ماطلبتك لاتجينِي ياحمامه؟
وابعدي تكفين لاتدنين من حول الدريشه

والله ان سجعك يتل القلب ويهيّج غرامه
والمشاعر تنتفض والشوق يغزيني بجيشه

مرجهنّه,مطمئنه,ناسيَه حتى كلامه
ناسيه مزحه وجده ناسيه وده وطيشه

يوم غنيتي خذيتيني برقّه وانسجامه
فوق ذاك الغيم كن الطير شايلني بريشه

جفن عيني ياحمامه هاجسي كدر منامه
واصطفق موجي وشرقني وغرقني نطيشه

الجووهره ,ناصر الهواوي معجبون بهذا

ما انهمر وبل المطر من رحمة الله من غمامه
وما نبت في هــ السنه من حايل إلـ شعبان بيشه

ما يكفي شكر لو ضفنا معه نبت اليمامه
لشاعرتنا جعلها باسعد بخت وافضل معيشه

فالها التوفيق في حال السفر واثنا الاقامه
لجل ما تشنا الحمامه لو لعت عند الدريشه

هجسها يضفي على قيفانه العذبه وسامه
بماء الذهب في لوحة المرمر تخط براس ريشه

ذا جزاء من عافها النقد وتعدتها الملامه
يوم ما قالت بلشنا فيه ويجوز ءتهميشه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ههههههههههههههههه

الجووهره معجب بهذا