(قصيدة نصيحة في قمة الروعة)

13-06-2017, 09:03 PM

أنصـحـك يالـلـي لــك علـيـه مواجـيـب
إن طـعـت وإلا الـلــي بيعـجـبـك ســـوّه
أخــذ النصيـحـه ثــم ســـو التـجـاريـب
واحـذر تسيـر مـع العمـى فــي عـمـوّه
واحذر جليس السوء لـو لـه مكاسيـب
حــذرآ جلـيـس الـسـوء تبـلـش بـسـوّه
واحذر من اللي شرهـا منـه مـا تطيـب
إن صـابـتـك صـابــك علـيـهـا ضـــروّه
والـكـبـر لا يـخـدعـك وإلا التـعـاجـيـب
والعـمـر لــو يعـجـبـك يـنـقـص نـمــوّه
بالصـبـر لازم تــأدب النـفـس تـأديــب
وإعـلـم تــرا نـفــس إبـــن آدم عـــدوّه
مــن طاعـهـا باتبـيـن فـيـه الـعـذاريـب
ويسيـر بيـن النـاس شـخـص ٍ مـشـوّه
تركض به الشهـوات شـرق ٍ وتغريـب
ويـطــاوع الشـيـطـان ويـضـيـع هـــوّه
تـلـقــى هـوايـتــه تــوديـــه واتـجــيــب
يتـبـع هـــوى نـفـسـه ولا بـــه مـــروّه
مـا يعـرف الـواجـب ولا ينـكـر العـيـب
وعنـده عـلـى فـعـل المعـاصـي جــروّه
وأعـلـم تــرا الدنـيـا سريـعـة مقـالـيـب
دنــيــا دنــيــه مــــا عـلـيـهــا شــفـــوّه
كـــم واحـــد ٍ قـــد لـزمـتـه بالتـلابـيـب
وإنـهـان مــن بـعــد الـتــرف والـفـتـوّه
وإعـلـم تــرا الأرزاق حــظ ومواهـيـب
ولـحــد ٍ خـــذا رزقـــه بحـيـلـه وقـــوّه
وإحرص علـى دينـك وحلـو المذاهيـب
ولـوالـديــنــك لا تــجــيــب الــجــفـــوّه
والـجـار لــه حــق ٍ ولا عـنـه تجـنـيـب
لـلــجــار حـــــق ولـلـعـوانــي عــنـــوّه
والقـول قـل للنـاس بأحـلـى الأسالـيـب
ولا تـجـيــب هــرجــه يقتـفـيـهـا زروّه
وإرقى مع اهل الطيب روس المراقيب
واعبـر طريـق أهـل الوفـاء مـن علـوّه
وإختر من الأصحاب خيـر الأصاحيـب
حـفــاظ ديـــن وفـيــه شـمـيـه وخــــوّه
ســـوا مـــن الأدنـيــن وإلا الأجـانـيــب
كفـو ٍ مـع أهـل الطيـب قـد شـب ضـوّه
وصــلاة ربــي عـــد نـشــر المكـاتـيـب
وأعــداد مــا بالـكـون بـأرضـه وجــوّه
عـلــى نـبـيـن رتـــب الـديــن تـرتـيــب
أشـــــرف نـبــيــن فــايـــز ٍ بـالـنــبــوّه

محمد الغنامي ,ملكة الرواسي معجبون بهذا