عالية نجد ،،

بسم الله الرحمن الرحيم،،
سلام عليكم ورحمة الله وبركاته ،،
أسعد الله صباحكم بكل خير وسرور ،،
مصافحه اولى ،،

يادمعة ً في حاجر العين حرها=اخفيتها وابليت ياعيد شرها
إكنها في حال من ماتلجبه=وإثره سبب هم ٍ عليه يضرها
دمعة عذاب ٍ في فوادي يلوح به=لافرقت حدب المحاني يصرها
لكان يوم انوح يبرد لهيبها=ماجزت بلحون ٍ هنايه بجرها
ماغاض دالوب الزمان وعواقبه=من عقب ماقفت رجع لي وفرها
دنيا ً خدوعه ماتكمل عهودها=إصروفها بأقصى الضماير مقرها
لقيت فيها كل طيب يصوعها=يشكي دوالابها وعايف لدرها
والا ردي الحال ينعم بريفها=ماغرته لو كان صعب ٍ يغرها
دنيا ً بها الاعمار تقصر شبورها=والي عرف عمر الليالي يزرها
ياعيد لو باحت هناديب حاجتي=وش عاد باقي للضماير وسرها
ماهوب من له يعتدل نافع البلاء=على قلوب ٍ كل شي ٍ يمرها
تاخذ مواعيد الزمان وتجاربه=وترضى بحلوا ايامها ضمن مرها
اسلي الخاطر على صكة الغنى=وإحروف شعر ٍ بالمعاني نثرها
اليا لقيت من البراح استهيض له=اسج بفياض ٍ لنفسي تسرها
في عالية نجد وشواهيق مسنده=واليا عطينا مع تباريح برها
ديرة هلي وإربوعي الي دنولها=كل المواقيف الشريفه بكرها
لعل السحاب الي رعوده تحن به=يعلها لين ايتساوى مقرها
عشرين ليل وابله ماتقاصره=وسيل المسايل من حقوقه يعرها
وعقب الدهر يزهى الخضار بفياضها=يضفي عليها لين ينعم مجرها
بإمر الذي من له هل الخير تستعي=رب الملا عالم بحال ٍ يسرها
ندعيه من جوده ومن حسن مدته=ويفزع لمن دمعه على العين حرها

وسلامة نواظركم وقلوبكم ,, خالد العبيريد.

خالد العبيريد
صح لسانك مليون ولايسدون
نص فاخر وجزل وليس غريب على شاعرنا الجزاله
سجل اعجابي وتقديري
وختم التميز

صح الساااانك أيها الجزل
أبيات جماليتها تفوق الوصف
قافيه من الوزن الثقيل سلم بنانك
ولا هنت .."

اقتباس:

المشاركة الأصلية كتبت بواسطة محمد الغنامي

خالد العبيريد
صح لسانك مليون ولايسدون
نص فاخر وجزل وليس غريب على شاعرنا الجزاله
سجل اعجابي وتقديري
وختم التميز

مرحبا ومسهلا يامحمد الغنامي حياك الله ،،
صح الله بدنك وصح قلبك وكلك لاعدمتك ،،
كل التميز والجمال في حضورك واطراءك،،
تحياتي وشكري لك .

اقتباس:

المشاركة الأصلية كتبت بواسطة غنجَ

صح الساااانك أيها الجزل
أبيات جماليتها تفوق الوصف
قافيه من الوزن الثقيل سلم بنانك
ولا هنت .."

مرحبا ومسهلا ياغنج حياك الله ،،
صح الله بدنك وصح كلك لاعدمتك ،،
كل الجمال في حضورك وحسن اطراءك،،
شكري وتقديري لك .

وانت سالم وغانم يابو سهيل
الله الله
ياسلام عليك يامبدع
صح لسااااانك وبيض الله ا وجهك يابو سهيل
على هالقصيده الطيبه والجزله لاهنت
كما عهدناك دايماً مبدع ومميز بجميع حالاتك
سجل اعجابي وتقبل مروري وتحياتي
تم التنسيق

اقتباس:

المشاركة الأصلية كتبت بواسطة عايض العتيبي

وانت سالم وغانم يابو سهيل
الله الله
ياسلام عليك يامبدع
صح لسااااانك وبيض الله ا وجهك يابو سهيل
على هالقصيده الطيبه والجزله لاهنت
كما عهدناك دايماً مبدع ومميز بجميع حالاتك
سجل اعجابي وتقبل مروري وتحياتي
تم التنسيق

هلا وسهلا يابو جزاء حياك الله ،،
سلمت ودمت وانت بصحه يالامير،،
صح الله بدنك وصح قلبك وكلك لاعدمتك،،
كل الجراله في حضورك بارك الله فيك ،،
واشكرك كل الشكر على التنسيق ،،
شكري وتقدري لك ياقدير.

الله على جمال قلمك وروعه حروفك
خالد لا هنت شاعرنا دام نبضك وعطاءك
.
.
.