غابت الشمس واظلم كل من حولنا=وبتداء ليلي اللي مع غيابك يزيد
راح نص العمر والعزم هم أنثنا=وين شمسك أمـانه! ..ماشرقت من جديد
غبت مدري علامك والضحيه أنـا=يعني.. ماتدري أنك جايب ٍ في عيد!!
أطردك ياغرام ٍ مالي عنك غنـا=وأنت تقتل مشاعر من وريد لوريد
ماكسبنـا وراك الا دروب العنـا=لا لمحنـا النهايـه نبتدي من جديد
حتى.. كف الأماني قص من بيننـا=قلي..وشلون أصفق مامعي غيرأيد
كل همي أعيش العمر... لحظة هنـا=تكفى حس بغلاتك..هذا بيت القصيد
لو تكرم تقدر عمـر ي اللي فنا=ودي أبل كبدي لو بشي ٍ زهيد
لكن الحب دمعه ونزلت من هنـا=واحد اللي يعاني واحد اللي سعيد
كثر الله خـيرك وأستوت عندنـا=سو ماتشتهي وافعل معي ماتريد