سلام الله سلامن يدحر الشيطان وخوانه=مثل ماندحر الحوثي عن احدود السعوديه
تبيلى قبل مده قلوب الناس وجعانه=ولا ندرى عن السبه لهم عامين هجريه

هلا يامرحبا يامسهلا مني على شانه=على كيفي ومن مخي ولا هاذي ولا ذيه
على شان العرب ياخالد ابناخي تعبانه=وكلن فيه من جور الزمن يافلان ماريه

يدوملك البقاء ياصاحبي والعلم مرجانه=على كيفك وانا كيفي وهاذى اسلوم جديه
لاكن العلم يامحمد اشوفه داخل الخانه=تحط ألغام ماتمشي تقول ألغام عاديه

ليا من الفتى ماحط في عقله وحسبانه=على شد الحقب يابن هجيره خربت النيه
وانا مانيب طير ماتشيله روس جنحانه=على حسب الهقاوي ونت زين نيتك فيه

انا عقلى معا فكرى يقدى ناس فسقانه=وبعض الناس نأمرها وبعض الناس منهيه
انا خابرك للجزله تخير زين بيبانه=اذن القوم لو تقراء كلامى تصير مرضيه

وانا خابرك ياخالد وكلن حسب قيفانه=نقيس القيس ون زدنا نزود الكيله اشويه
ترا البني ان بنيته مايقوم الا بسيسانه=على الله شد حيلك لاتجي في مايل الفيه